Աթաթուրքն արվամոլ էր. նրան մի օր «բռնացրել» են իր քարտուղարի որդու հետ

Հասարակական10:59, 22 Մայիս 2017

Աթաթուրքն արվամոլ էր. նրան մի օր «բռնացրել» են իր քարտուղարի որդու հետ

Ըստ թուրքական «Ռադիքալ» (Radikal) պարբերականի` Թունչայ Թոքաթ անունով թուրք բլոգերն իր բլոգում և ֆեյսբուքյան էջում հրապարակել է Թուրքիայի Հանրապետության հիմնադիր Մուստաֆա Քեմալ Աթաթուրքի՝ ծովափին պառկած նկարը և գրել. «Աթաթուրքն արվամո՞լ է եղել»:

Այս գրառումը մեծ աղմուկ է առաջացրել: Թուրքիայի քաղաքացիներից մեկը դիմել է դատարան` պահանջելով բլոգերի հիշյալ հրապարակումը ճանաչել որպես վիրավորանք Աթաթուրքի հասցեին և համապատասխան քրգործ հարուցել:

Բլոգերն իր ցուցմունքում նշել է, որ Աթաթուրքի համասեռամոլ լինելու վարկածն իրեն չի պատկանում և նա դա վերցրել է թուրք հեղինակ Ռըզա Նուրի գրքից:

Դատախազ Նեվին Օզքանը, հիշեցնելով, որ Նուրի վերոնշյալ գրքի վերաբերյալ հետաքննությունը դադարեցվել է, բլոգերի անմեղ լինելու մասին որոշում է կայացրել: Սակայն մեղադրող կողմի փաստաբանները բողոքարկել են այդ որոշումը: Հայցվորի բողոքը քննել է Անատոլիայի 7-րդ ծանր հանցագործությունների դատարանը և հակաիրավական է ճանաչել վերոնշյալ որոշումը` պահանջելով նոր հետաքնություն:

Նշենք, որ Թունչայ Թոքայն Աթաթուրքին վերաբերող իր հրապարակման մեջ գրել է, որ Աթաթուրքին շատ լավ ճանաչողներից մեկը` Ռըզա Նուրը, իր «Կյանքս և հիշողություններս» գրքի 4-րդ հատորում գրել է Աթաթուրքի արվամոլ լինելու մասին:

Թոքայը, հղում անելով Ռըզա Նուրի գրքին, գրում է. «Աթաթուրքին մի օր «բռնացրել» են իր քարտուղարի որդու հետ: Միջադեպին ականատես է եղել անձամբ Աթաթուրքի կինը Լաթիֆեն: Նա ասել է. «Արածդ ամեն բան կուլ եմ տվել , սակայն այս մեկը չեմ կարող»: Մի քանի օր անց Լաթիֆեն բաժանվել է Աթաթուրքից:»

Բլոգերը գրում է, որ Ռըզա Նուրը Թուրքիայի Հանրապետության կրթության առաջին նախարարն է եղել: Այնուհետև 12 տարի ստիպված է եղել ապրել ատերկրում` աքսորի մեջ: Աթաթուրքի մահվանից անմիջապես հետո հայրենադարձվել է:

Աղբյուր` Ermenihaber.am