Էրդողանն իր մեքենայից հետևել է խաղաղ ցուցարարների վրա հարձակմանը (տեսանյութ)

Հասարակական07:43, 19 Մայիս 2017

Էրդողանն իր մեքենայից հետևել է խաղաղ ցուցարարների վրա հարձակմանը (տեսանյութ)

Համացանցում հայտնվել է նոր տեսանյութ, որտեղ երևում է, թե ինչպես է Թուրքիայի նախագահ Ռեջեփ Թայիփ Էրդողանը հետևում Վաշինգտոնում խաղաղ ցուցարարների վրա հարձակումը: Տեսանյութը հրապարակած թուրքական «Demokrathaber.com» լրատվակայքը մանրամասնում է, որ միջադեպը տեսանկարահանվել է «Ամերիկայի ձայնի» կողմից:

Դրանում պարզ երևում է, որ Էրդողանը նախ որոշ ժամանակ իր ծառայողական մեքենայի միջից հետևում է խաղաղ ցուցարարների դեմ կազմակերպված հարձակումը, ապա դուրս է գալիս մեքենայից և շարունակում դիտել բախումը: Այնուհետև նա մտնում է Վաշինգտոնում Թուրքիայի դեսպանատուն, որի հարևանությամբ տեղի էր ունենում ցույցը:

Հիշեցնենք, որ մայիսի 16-ին ԱՄՆ-ի հայ, քուրդ, ասորի և եզդի համայնքների ներկայացուցիչները ցույց էին կազմակերպել Վաշինգտոնում՝ բողոքելովԷրդողանի ԱՄՆ այցի և նախագահ Դոնալդ Թրամփի հետ հանդիպման դեմ: Էրդողանի թիկնապահները հարձակվել են խաղաղ ցուցարարների վրա և դաժան ծեծի ենթարկել, միջադեպի արդյունքում վիրավորվել է 9 ցուցարար: ԱՄՆ ներկայացուցիչների պալատի անդամ Էդ Ռոյսը պահանջել է պատասխանատվության ենթարկել բախումը հրահրած Թուրքիայի նախագահի թիկնապահներին: Անհանդուրժողականության դրսևորում հանդիսացող այս միջադեպը դատապարտվել է նաև մի շարք այլ ԱՄՆ բարձրաստիճան պաշտոնյաների կողմից:

Աղբյուր` Ermenihaber.am

Այս ենթաբաժնի վերջին նորությունները

13:50, 01 օգոս

Թուրքիայում ոստիկանը նախ սպանել է կնոջն ու 2 երեխային, ապա ինքնասպան եղել

Ենթադրվում է, որ սպանությունները տեղի են ունեցել դեպրեսիայի ֆոնին։

13:42, 01 օգոս

Թուրքիայի մեծ քաղաքներում զանգվածային ապաստարաններ պետք է կառուցվեն

Թուրքիայի ազգային հետախուզության ծառայությունը Իսրայել-Իրան 12-օրյա պատերազմի հիման վրա նոր զեկույց է հրապարակել:

11:25, 01 օգոս

Մալաթիայի Սուրբ Երրորդություն հայկական եկեղեցում տեղի է ունեցել պսակադրության արարողություն

Անատոլիայի հայ համայնքների վերակացու և Հաթայի եկեղեցու հոգևորական Հայր Ավետիս Թաբաշյանը Վարդավառի տոնի (Քրիստոսի Պայծառակերպության տոն) առթիվ այցելել է Մալաթիա: