2016-ին Թուրքիա մեկնած զբոսաշրջիկների թիվը նվազել է 29.7 տոկոս

Տնտեսական09:37, 17 Մայիս 2017

2016-ին Թուրքիա մեկնած զբոսաշրջիկների թիվը նվազել է 29.7 տոկոս

Բրիտանական «Independent» պարբերականի սյունակագիր Էմմա Թոմսոնը անդրադարձել է ամառային հանգիստը Թուրքիայում անցկացնելու թեմային: Ըստ թուրքական «Haberler» լրատվամիջոցի` հեղինակը նշում է, որ անցյալ տարի Թուրքիա մեկնող զբոսաշրջիկների թիվը զգալիորեն նվազել էր: Անկումը կազմել էր 29.7 տոկոս: Պատճառաբանությունն այն է, որ Թուրքիայի վարկանշին զգալի հարված հասցրեցին անցյալ տարի տեղի ունեցած ռազմական հեղաշրջման փորձը, ապա մի քանի ահաբեկչական գործողությունները, ինչպես նաև Թուրքիա-Մեծ Բրիտանիա ուղիղ չվերթների ժամանակ սահմանված արգելքը, որոնց համաձայն ուղևորները ինքնաթիռներում չեն կարող օգտվել իրենց համակարգիչներից և պլանշետներից:

Միաժամանակ հեղինակը նշում է, որ Թուրքիայի հանգստյան գոտիների հյուրանոցների տնօրենները ամեն ինչ անում են, որպեսզի զբոսաշրջիկների թիվն այս ամռանը չնվազի: Նրանք նույնպես խոստովանում են, որ անցյալ տարի քիչ զբոսաշրջիկներ են իրենց հանգիստը կազմակերպել Թուրքիայում:
Մասնավորապես Թուրքիայի ամենահայտնի ծովափնյա Ֆեթիյե շրջանում գտնվող հյուրանոցներից մեկի տնօրենը պարբերականի հետ զրույցում ասել է. «Երկու տարվա ընթացքում գոյատևեցինք, սակայն 3-րդ տարին հաղթահարել հնարավոր չէ»:

Աղբյուր` Ermenihaber.am

Այս ենթաբաժնի վերջին նորությունները

12:42, 05 մայ

Թուրքիայի և Սիրիայի միջև էներգետիկ համաձայնագիր կկնքվի

Նշվում է, որ աշխատանքներ են տարվում Թուրքիայից դեպի Հալեպ և Իդլիբ էլեկտրաէներգիա և գազ փոխադրելու 2 նոր գծի վրա։

14:40, 02 մայ

Թուրքիան աշխարհում 159-րդն է մամուլի ազատության ինդեքսով

«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: