Իրավական10:16, 12 Մայիս 2017
Թուրքիայում ձերբակալվել է ընդդիմադիր «Cumhuriyet» թերթի կայքի գլխավոր խմբագիրը
![Թուրքիայում ձերբակալվել է ընդդիմադիր «Cumhuriyet» թերթի կայքի գլխավոր խմբագիրը](https://www.ermenihaber.am/news_images/35/104692_2/guven.jpg)
Մայիսի 12-ի առավոտյան Թուրքիայում ձերբակալվել է ընդդիմադիր «Cumhuriyet» թերթի կայքի (cumhuriyet.com.tr) գլխավոր խմբագիր Օղուզ Գյուվենը: Թուրքիայում լույս տեսնող հայկական «Ակոս» թերթի կայքի տեղեկացմամբ՝ այս մասին հայտնի է դարձել Գյուվենի կողմից «Twitter»-ում կատարված գրառումից: Ձերբակալության պատճառը դեռևս հայտնի չէ:
Թուրքիայի լրագրողների միության (ԹԼՄ-TGC) նախագահ Թուրգայ Օլգայտոն և գլխավոր քարտուղար Սիբել Գյունեշը «Cumhuriyet»-ի կայքում հայտարարություն են տարածել, որով դատապարտել են ընդդիմադիր թերթի նկատմամբ կիրառվող ճնշումները: Նրանք նաև նշել են, որ առաջիկա ժամերի ընթացքում թեմայի վերաբերյալ ինստիտուցիոնալ հայտարարություն կկատարվի:
Ընդդիմադիր «Ժողովրդահանրապետական» կուսակցության (ԺՀԿ-CHP) պատգամավոր Բարըշ Յարքադաշը տեղեկացրել է, որ խնդրի ուսումնասիրման նպատակով առաջիկայում հանդիպում կունենա Ստամբուլի անվտանգության վարչության հետ:
«Cumhuriyet» թերթի 12 թղթակիցներ ու ղեկավարներ արդեն 6.5 ամիս, իսկ Ահմեթ Շըքը՝ 4 ամիս գտնվում են անազատության մեջ: Լրագրողներին ու խմբագիրներին առաջադրվել է մեղադրանք՝ «Ֆեթուլլահական ահաբեկչական խմբավորման» (FETÖ)/ «Ժողովրդավարական միություն կուսակցություն» (PYD) և «Քուրդիստանի բանվորական կուսակցություն» (PKK)/ «Քրդական համայնքների միություն» (KCK) խմբավորումների անդամ չլինելով հանդերձ դրանց օգտին գործունեություն ծավալելու վերաբերյալ:
Հավելենք, որ անցյալ ամիս ընդդիմադիր թերթի ձերբակալված աշխատակիցների վերաբերյալ 436 էջանոց մեղադրական եզրակացություն էր կազմվել: Մեղադրական եզրակացությամբ «Cumhuriyet» -ի 19 աշխատակիցների վերաբերյալ «սահմանադրական կարգին հակասող գործունեության» և «ահաբեկչության դեմ պայքարի» վերաբերյալ օրենքների շրջանակներում 7.5-ից 43 տարվա ազատազրկման պահանջ էր ներկայացվել:
Մեղադրյալների թվում են թերթի նախկին խմբագիր Ջան Դյունդարը, «Cumhuriyet» հիմնադրամի գործադիր խորհրդի նախագահ Աքըն Աթալայը, հիմնադրամի տնօրենների խորհրդի անդամ Բյուլենթ Ութքուն, «Cumhuriyet» թերթի գլխավոր խմբագիր մուրաթ Սաբունջուն, թերթի խմբագրական խորհրդատու Քադրի Գյուրսելը և թղթակից Այդըն Էրգինը:
Այս ենթաբաժնի վերջին նորությունները
![Թուրքիայի Դերսիմ նահանգում ցույցերն արգելվել են](https://www.ermenihaber.am/news_images/94/280979_1/0561.thumb.jpg)
Բացառություն են կազմելու միայն նահանգապետարանի կողմից նպատակահարմար համարվող միջոցառումները:
![Թուրքիայում ձերբակալվել է իսլամի արժեքները ոտնահարած անձը](https://www.ermenihaber.am/news_images/94/280695_1/4984.thumb.jpg)
Նրան մեղադրանք է առաջադրվել «ժողովրդին ատելության և թշնամանքի դրդելու կամ նվաստացնելու» հոդվածի հատկանիշներով։
![Ստամբուլից հեռարձակվող Açık Radyo-ն դատարանի որոշմամբ կկասեցնի իր գործունեությունը](https://www.ermenihaber.am/news_images/94/280057_2/4484894489.thumb.jpg)
Ռադիոյի հեռարձակման լիցենզիան ավելի վաղ կասեցվել էր RTÜK-ի կողմից «Հայոց ցեղասպանություն» տերմինի օգտագործման պատճառով:
Ուղիղ խոսք
![Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում](https://www.ermenihaber.am/news_images/55/163609_2/erdogan_1552_3879.jpg)
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ամերիկյան «Global Firepower» հետազոտական կենտրոնը հրապարակել է 2024-ին աշխարհի մակարդակով ամենաուժեղ ռազմաօդային ուժեր ունեցող երկրների ցանկը:
Թուրքիայի կառավարությանն առընթեր գործող «Աղետների և արտակարգ իրավիճակների վարչությունը» (AFAD) հայտարարել է, որ այդ կայանը Թուրքիայի արտերկրում առաջին երկրաշարժերի մոնիտորինգի կայանն է։
Վան քաղաքում անհայտ անձինք ջնջել են հետիոտնային անցմանը կից քրդերեն գրությունը փոխարինելով այն ռասիստական գրառմամբ։
Թուրքիայում գլխավոր ընդդիմադիր ուժը համարվող կուսակցության առաջնորդն անդրադարձել է իշխող կուսակցության ղեկավարության ներքո գտնվող ՏԻՄ-երի պարտքերին:
Հանդիպման ընթացքում կողմերը քննարկել են երկկողմ հարաբերությունները, ռուս-ուկրաինական պատերազմը, Գազայում վերջին զարգացումները, իրավիճակը Սիրիայում և այլ տարածաշրջանային հարցեր։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |