Իրավական13:38, 04 Մայիս 2017
Ստամբուլի վճռաբեկ դատարանը բեկանել է «Ակոս»-ի գործով առաջին ատյանի դատարանի վճիռը
Թուրքիայում հրատարակվող հայկական «Ակոս» թերթին սպառնալից հաղորդագրություն ուղարկողների վերաբերյալ ազատ արձակման որոշումը բեկանվել է: «Ակոս»-ում տեղ գտած տեղեկության համաձայն՝ Ստամբուլի վճռաբեկ դատարանը որոշել է, որ հայկական թերթին ուղղված արտահայտությունները «ատելություն և թշնամանք» են պարունակում:
Հայոց ցեղասպանության 100-րդ տարելիցի օրը՝ 2015թ. ապրիլի 24-ին, Թուրքիայի ազգայնական կուսակցության Ստամբուլի նահանգային կառույցի ղեկավար Բիլալ Գյոքչեյուրթը և «Turan Ocakları» ազգայնական խմբավորման ղեկավար Էրջան Ուչարը սև պսակ էին դրել «Ակոս»-ի խմբագրատան դիմաց, ինչպես նաև՝ հանդես էին եկել թերթին ուղղված սպառնալիքներ պարունակող հայտարարությամբ:
Սակայն այս առթիվ հարուցված քրեական գործը քննող Ստամբուլի առաջին ատյանի քրեական դատարանը 2016թ. նոյեմբերի 18-ին մեղադրյալներին ազատման որոշում էր կայացրել՝ հանցակազմի բացակայության պատճառաբանությամբ: Դրանից հետո «Ակոս»-ը բողոքարկել էր դատարանի որոշումը:
Ստամբուլի տարածքային վճռաբեկ դատարանը, հիմնվելով «Մարդու իրավունքների եվրոպական կոնվենցիայի վրա, նշել է, որ ժամանակակից աշխարհում զրպարտությունները, պատիվն ու արժանապատվությունը վիրավորող խոսքերն ու հայտարարությունները, պատերազմ հրահրող, ատելության, խտրականության, թշնամանքի և բռնության կոչ պարունակող հայտարարությունները չեն առնչվում խոսքի ազատության սկզբունքի հետ, գնահատվում են որպես հանցանք ու ենթակա են դատապարտման:
Վճռաբեկ դատարանի որոշման մեջ նշվել է նաև, որ խնդրո առարկա մամլո հաղորդագրությամբ մեղադրյալները թիրախավորել են Հրանտ Դինքի գործով արդար դատավարության պահանջով «բոլորս Հրանտ Դինք ենք» կարգախոսը օգտագործողներին, այդ թվում՝ նաև «Ակոս»-ի աշխատակիցներին: Համաձայն դատարանի վճռի՝ մեղադրյալների այս արարքը պետք է դիտարկվեր Թուրքիայի քրեական օրենսգրքի՝ հասարակության մեջ ատելություն և թշնամանք հրահրելու մասին 216-րդ հոդվածի համատեքստում, ինչը առաջին ատյանի դատարանը չէր արել:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |