Պուտինը և Էրդողանը կենտրոնացել են հատկապես տնտեսական համագործակցության վրա

Քաղաքական08:41, 04 Մայիս 2017

Պուտինը և Էրդողանը կենտրոնացել են հատկապես տնտեսական համագործակցության վրա

Մայիսի 3-ին Ռուսաստանի Սոչի քաղաքում տեղի է ունեցել Ռուսաստանի և Թուրքիայի նախագահներ Վլադիմիր Պուտինի ու Ռեջեփ Թայիփ Էրդողանի հանդիպումը:

Ըստ թուրքական «Demokrathaber.org» լրատվական կայքի` հանդիպմանը քննարկվել են բազմաթիվ օրակարգային հարցեր` երկկողմ տնտեսական ու քաղաքական հարաբերություններից մինչև սիրիական ճգնաժամի լուծմանն ուղղված համատեղ քայլեր:

Հանդիպմանը հաջորդած համատեղ մամուլի ասուլիսի սկզբում 2 նախագահները հայտարարել են, որ Ռուսաստանի ու Թուրքիայի հարաբերությունների կարգավորումն ամբողջովին ավարտված է, և երկկողմ համագործակցությունն այժմ թևակոխում է նոր փուլ:

Պուտինը նշել է, որ ի շարս քաղաքական ու տնտեսական հարցերի` զրուցակիցներն ավելի շատ կենտրոնացել են տնտեսական համագործակցության վրա: Պուտինը հայտնել է, որ պայմանավորվածություն է ձեռք բերվել փոխադարձ տնտեսական սահմանափակումները վերացնելու, ներդրումներն ավելացնելու և ազգային արժույթվ առևտուր անելու վերաբերյալ:

Պուտինը նշել է, սակայն, որ ՌԴ թուրքական լոլիկի ներկրման հետ կապված սահմանափակումը, այնուամենայնիվ, դեռ չի հանվի:

«Մենք ﬔր թուրք գործընկերներին խնդրել ենք, որպեսզի նրանք հասկանան, որ այն «ՍՈՒ 24»-ի կործանման ողբերգական դեպքից հետո, ինչի հետևանքով հաստատվեցին այդ սահմանափակﬓերը, կյանքը չի ﬓացել նույն տեղում և շատ բան է փոխվել: Մեր գյուղատնտեսները վերցրել են ﬔծ վարկեր, գյուղատնտեսական ապրանքների արտադրության ապահովման համար ջերմոցային համալիրներ կառուցեու նպատակով: Մենք փորձում ենք կայացնել այդ ոլորտը և այդ պատճառով այս տեսակի ապրանքների վերաբերյալ սահմանափակումները կշարունակեն ուժի ﬔջ մնալ»,- պարզաբանել է Կրեմլի ղեկավարը:

Նա նաև ընդգծել է, որ այս պահին Թուրքիայի բնական գազի 55, ածուխի 33 և նավթի 18 տոկոսը մատակարարում է Ռուսաստանը:

Նախագահները խոսել են նաև «Թուրքական հոսք» գազատարի և Թուրքիայում ռուսների կողմից կառուցվող Աքքույու ատոմային էլեկտրակայանի մասին, որի շրջանակներում Ռուսաստանը 22 մլրդ դոլար ներդրում է անելու:

Պուտինն ու Էրդողանը պայմանավորվածություններ են ձեռք բերել նաև մշակութային ոլորտում, ինչի շրջանակներում 2019-ին Ռուսաստանում և Թուրքիայում մշակույթի ու տուրիզմի տարի են անցկացնելու:

Անդրադառնալով Սիրիական ճգնաժամին` Պուտինն ասել է. «Սիրիայի հակամարտությունը քաղաքական և դիվանագիտական ճանապարհներով լուծելու հարցում մենք պարոն էրդողանի հետ համակարծիք ենք: Մենք կարողացանք կանգնեցնել բախումները Սիրիայի կառավարության և ընդդիմության միջև և նրանց նստեցնել բանակցությունների սեղանի շուրջ»:

Էրդողանն էլ իր հերթին նշել է, որ 2 երկրների ղեկավարության մոտ բոլոր հարցերի շուրջ համատեղ քայլեր իրականացնելու քաղաքական կամք կա:

Նա նշել է, որ Սիրիայի հարցում Ռուսաստանի հետ շարունակելու են համատեղ ու համակարգված գործողությունները`ավելացնելով, որ իրենց համար ամենակարևորը Սիրիայի տարածքային ամբողջականության պահպանումն է:

Թուրքիայի նախագահը նշել է, որ իրենք նախագահ Պուտինի հետ համակարծիք են, Սիրիայի Հան շեյհուն շրջանում քիմիական զենքի կիրառման մեղավորներին պատժելու շուրջ:

Էրդողանը հայտնել է, որ իրենք քննարկել են նաև Սիրիայի Իդլիբ շրջանում «առանց բախումների» գոտու ապահովման մասին:

Աղբյուր` Ermenihaber.am