Հասարակական14:58, 24 Ապրիլ 2017
Հայոց ցեղասպանության զոհերի հիշատակի միջոցառում Ստամբուլում
Ապրիլի 24-ին առավոտյան Ստամբուլի Սուլթան Ահմեթ հրապարակում Հայոց ցեղասպանության զոհերի հիշատակին նվիրված միջոցառում է կազմակերպվել: Ըստ թուրքական «Dogan» լրատվական գործակալության՝ միջոցառումը կազմակերպել է Թուրքիայի «Մարդու իրավունքների միությունը» (İHD):
Նշվում է, որ արարողությանը մասնակցել են Եվրոպայից և աշխարհի տարբեր վայրերից եկած հայեր: Մասնակիցները պարզել են պաստառներ, որոնց վրա գրված է եղել «Ճանաչիր Հայոց ցեղասպանությունը, ներողություն խնդրիր, փոխհատուցիր»:
Այդ ընթացքում մի խումբ թուրք ուսանողներ վանկարկել են «Մենք Մուստաֆա Քեմալի և Էնվեր փաշայի զինվորններն ենք»: Վերջիններիս ոստիկանությունը արագ հեռացրել է տարածքից՝ խուսափելով լարվածությունից:
Միջոցառմանը մասնակից Եվրոպայի հակառասիստական շարժման (EGAM) նախագահ Բենջամին Աբթանը լրագրողների հետ զրույցում մասնավորապես ասել է. «Ցեղասպանության ժխտողականության դեմ շարունակվող պայքարը միայն այստեղ չէ, այդ պայքարը շարունակվում է ամբողջ աշխարհում: Մենք՝ որպես Եվրոպայից և ԱՄՆ-ից եկած հայեր և այլազգիներ, այդ պայքարի համար այստեղ ենք»:
Նույն կազմակերպության Ստամբուլի ներկայացուցիչ Մերալ Չըլգընը քննադատել է այն փաստը, որ Թուրքիայում Հայոց ցեղասպանության գլխավոր կազմակերպիչներ Թալեաթ և Էնվեր փաշաների անուններով հրապարակներ, դպրոցներ, փողոցներ և պողոտաներ են անվանակոչվում:
Այս ենթաբաժնի վերջին նորությունները
2024 թվականի ընթացքում Թուրքիա է ընդունել է 60․6 մլն զբոսաշրջիկ։
Սոցհարցման մասնակիցների մեծ մասը կարծում է, որ Թուրքիայի վրա հնարավոր հարձակման դեպքում ՆԱՏՕ-ն օգնության չի գա:
Էրդողան. «Դեմոգրաֆիայի խնդիրը մեր ազգի համար քիչ-քիչ վերածվում է գոյության մարտահրավերի»
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանն ասել է, որ Թուրքիան կշարունակի հյուրընկալել բանակցությունները Ստամբուլում, երբ բանակցող կողմերը կորոշեն հարմար ժամկետներ։
ՔԲԿ-ի զինյալների առաջին խումբը հուլիսի 11-ին էր Իրաքյան Քուրդիստանի Սյուլեյմանիե քաղաքում զենքերը հանձնել թուրքական կողմին։
Ըստ Ֆրիդրիխ Մերցի՝ վաճառքի թույլտվության գործընթացը դրական ընթացքի մեջ է:
Վիզաները կտրվեն ավելի երկար ժամկետով և բազմակի մուտքով։
Մոսկվայում կայացած ամենշաբաթյա մամուլի ասուլիսում Զախարովան անդրադարձել է ռուս-ուկրաինական բանակցային գործընթացին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |