Իրավական07:49, 15 Ապրիլ 2017
Սկանդալային գրառում և հետաքննություն Թուրքիայում. նախահանրաքվեական կրքեր
Սոցցանցերում սկանդալային հրապարակմամբ հանդես եկած Ստամբուլի քաղաքապետարանի աշխատակցի դեմ հետաքննություն է սկսվել: Թուրքական «mynet.com» լրատվակայքի տեղեկացմամբ՝ իշխող կուսակցության կողմնակից Օմեր Աքբայրաքը Facebook-ում կատարված գրառումով դժգոհել է ընդդիմադիր «ժողովրդահանրապետական» կուսակցությունից (ԺՀԿ - CHP)՝ ասելով.
«Սիրելի ընկերներ, ԺՀԿ-ն բացահայտորեն պատերազմ է հայտարարում և այս առումով պատրաստ է ամեն ինչի: Մեջլիսում նրանց ողջ ագրեսիան, խոսքն ու գործողությունները ուղղված են «այո» ասողների դեմ: Ապրիլի 17-ին, երբ մենք հաղթանակ տոնենք, սրանց կանայք ու աղջիկները որպես ավար հալալ կլինեն «այո» ասողներին»:
Գրառումը բուռն արձագանք է գտել կայքի թուրքական տիրույթում, որոշ ժամանակ անց Աքբայրաքը հարկադրված է եղել ջնջել այն:
Հավելենք նաև, որ իշխող «Արդարություն և զարգացում» կուսակցության (ԱԶԿ-AKP) բազմաթիվ ներկայացուցիչներ աջակցություն են հայտնել Օմեր Աքբայրաքին՝ թիրախավորելով ԺԴՀ առաջնորդ Քեմալ Քըլըչդարօղլուին: Օգտատերերից մեկը գրել է, թե Քըլըչդարօղլուի ընտանիքի բոլոր կանայք ու աղջիկները ևս հալալ են «այո» ասողներին:
ԺՀԿ-ի ներկայացուցիչ Ալի Շեքերը Օմեր Աքբայրաքի դեմ հայց է ներկայացրել Ստամբուլի գլխավոր հանրապետական դատախազություն՝ իր վերոնշյալ գրառմամբ հասարակության մեջ քեն ու թշնամանք հրահրելու, վիրավորելու և սպառնալու մեղադրանքով:
Հայց է ներկայացվել նաև Օսմանիե նահանգի Դյուզիչիի քաղաքապետ Օքքեշ Նամլըի դեմ, ով հայտարարել էր, թե սահմանադրական փոփոխությունների հանրաքվեում դեմ քվեարկող քաղաքացիներին հեռացնելու է աշխատանքից: Նամլըն մեղադրվել է պաշտոնական դրքի չարաշահման և քաղաքացիներին վիրավորելու մեջ:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |