Իրավական08:48, 14 Ապրիլ 2017
Washington Post. «Թուրքիան վերածվել է լրագրողական բանտի»
Ամերիկյան հեղինակավոր «Washington Post» թերթը Թուրքիայում մամուլի անազատության խնդրին վերաբերող հոդված է հրապարակել:
Ամերիկյան թերթը, մասնավորապես, անդրադարձել է թուրքական «Cumhuriyet» թերթի դեմ կիրառվող ճնշումներին՝ նշելով, որ այս թերթի շուրջ 11 աշխատակիցներ ու լրագրողներ այս պահին անազատության մեջ են գտնվում: «Washington Post»-ը նկատել է տվել, որ այդ ճնշումների հետևանքով Թուրքիայում մամուլը հետզհետե ավելի ու ավելի է թուլանում: Այս մասին տեղեկացնում է թուրքական ընդդիմադիր «T24» թերթի կայքը:
Աղբյուրը արձանագրում է, որ Թուրքիայում լրագրողությամբ զբաղվելը միշտ էլ ռիսկային է եղել: «Սակայն հատկապես 2016թ. հուլիսի 15-ի ձախողված հեղաշրջումից հետո, երբ նախագահ Ռեջեփ Թայիփ Էրդողանն սկսեց հալածել իր թշնամիներին, մամուլի նկատմամբ ճնշումները անհավատալի չափերի հասան», -ասված է հոդվածում:
Ամերիկյան թերթը հիշեցնում է նաև, որ այս ընթացքում փակվեցին մի շարք քրդական լրատվամիջոցներ ու գյուլենական կառույցի հետ կապի մեջ մեղադրվող այլ հրատարակչություններ. «Թուրքիայում 120 կալանավորված լրագրող կա. Թուրքիան վերածվել է այս առումով աշխարհում առաջատար լրագրողական բանտի», - գրում է թերթը:
Անդրադառնալով ապրիլի 16-ին անցկացվելիք սահմանադրական փոփոխությունների հանրաքվեին՝ «Washington Post»-ը նկատել է տալիս, որ իշխանամետ մամուլը «այո»-ի քարոզչություն է իրականացնում: Իսկ եթե իշխանությունները կարողանան դրական արդյունքի հասնել հանրաքվեում, դա էլ ավելի կհզորացնի Էրդողանին, և տարբեր զանգվածների, այդ թվում՝ լրագրողների նկատմամբ ճնշումները էլ ավելի կսաստկանան:
«New York Times» թերթն էլ արձանագրել է, որ հեղաշրջման փորձից հետո Թուրքիայում հազարավոր մարդիկ են հեռացվել աշխատանքից՝ ընդդիմադիր լինելու մեղադրանքով: Աղբյուրի համաձայն՝ Թուրքիայի իշխանությունները ջանում են հասարակության բոլոր շերտերը «մաքրել» ընդդիմադիրներից, և այդ իրավիճակի պատճառով երկիրը ընկնում է էլ ավելի մեծ քաոսի մեջ:
«Այդ ամենի սոցիալական հետևանքները չափազանց ծանր են: Դիտորդները նշում են, որ երկրում 1200 դպրոց, 50 հիվանդանոց և 15 համալսարան է փակվել», - գրում է թերթը:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |