Իրավական07:48, 13 Ապրիլ 2017
Իտալացի նախարարը քննադատել է Թուրքիայում լրագրողների դեմ կիրառվող ճնշումները
Իտալիայի արդարադատության նախարար Անդրեա Օրլանդոն քննադատել է Թուրքիայում մամուլի ազատության սահմանափակումները:
«BBC Türkçe»-ի համաձայն՝ նախարարն անդրադարձել է իտալացի լրագրող և վավերագրագետ Գաբրիել դել Գրանդեի՝ Թուրքիայի Հաթայ նահանգում ձերբակալմանը: Օրլանդոն նշել է, որ Իտալիայի պատկան մարմինները հետևում են խնդրի շուրջ իրադարձությունների զարգացմանը: նա կարծիք է հայտնել, որ Թուրքիայում լրագրողների ձերբակալման և ազատազրկման բազմաթիվ դեպքերը խարխլում են այս երկրի արդարադատության համակարգի նկատմամբ վստահությունը:
Հռոմում անցկացված մի մամուլի ասուլիսի ժամանակ իտալացի նախարարը մասնավորապես ասել է. «Մեր արտգործնախարարությունը ուշադիր հետևում է Գաբրիել դել Գրանդեի վիճակին: Իսկ ինչ վերաբերում է Թուրքիայում կալանավորված լրագրողների խնդրին, ապա, ինչպես ավելի վաղ էլ նշել ենք, մեզ մեծապես մտահոգում են Թուրքիայում ժողովրդավարության անկումն ու բազմաթիվ մարդկանց իրավունքների ոտնահարման դեպքերը»:
Օրլանդոն նշել է, որ Թուրքիայում արդարադատության համակարգը լիովին անկախ չի գործում, դրսից միջամտություններ են լինում:
«Այդ միջամտությունները կասկածի տակ են դնում դատական համակարգի իսկապես անկախ լինելու հանգամանքը և, որպես հետևանք, այդ համակարգի կայացրած վճիռների որակը»,- ասել է նախարարը:
Իսկ Գաբրիել դել Գրանդեի կինը՝ Ալեքսանդրա դ'Օնոֆրիոն, սոցցանցերում կատարած մի գրառմամբ տեղեկացրել է, որ Գրանդեն, ամենայն հավանականությամբ, վաղը Թուրքիայից կարտաքսվի և կուղարկվի Իտալիա:
Նա հավելել է, որ Գրանդեի վիճակը լավ է, նրան թույլ չեն տալիս որևէ մեկի հետ տեսակցել, սակայն հարգանքով են վերաբերվում:
Հայտնի է նաև, որ Իտալացի լրագրողների միությունը որոշում է կայացրել՝ մայիսի 2-ին բողոքի ցույց անցկացնել Հռոմում Թուրքիայի դեսպանատան դիմաց: Ցույցը ուղղված կլինի ինչպես Գրանդեի անհիմն ձերբակալության, այնպես էլ Թուրքիայում ազատազրկված բազմաթիվ լրագրողների իրավունքների ոտնահարման դեմ:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |