Թուրքիայում կալանավորված քուրդ պատգամավորները հացադուլ են հայտարարել

Հասարակական08:44, 31 Մարտ 2017

Թուրքիայում կալանավորված քուրդ պատգամավորները հացադուլ են հայտարարել

Թուրքիայի քրդամետ «Ժողովուրդների դեմոկրատական կուսակցության» (HDP-ԺԴԿ) կալանավորված պատգամավորները հայտարարել են հացադուլ սկսելու մասին:

Հացադուլ սկսելու մասին առաջինը հայտարարել էին Էդիրնեի բանտում գտնվող կուսակցության համանախագահ Սելահաթթին Դեմիրթաշը և Հաքքարիից ընտրված պատգամավոր Աբդուլլահ Զեյդանը: Հացադուլին միացել են Սիլիվրիի բանտում գտնվող պատգամավորներ Մերալ Դանըշ Բեշթաշը, Այհան Բիլգենը և Նիհաթ Աքդողանը:

Ինչպես տեղեկացնում է «Demokrathaber» լրատվական կայքը պատգամավորները Սիլիվրիի բանտի ղեկավարությանը ներկայացրած ծանուցման մեջ նշել են ապրիլի 1-ից 5-օրյա հացադուլ անցկացնելու մասին:

Կայքը տեղեկացնում է, որ Թուրքիայի տարբեր բանտերում շուրջ 44 օր է, ինչ անժամկետ հացադուլ են անում «Քուրդիստանի բանվորական կուսակցության» (PKK-ՔԲԿ) և «Քուրդիստանի ազատ կյանք կուսակցության» (PAJK-ՔԱԿԿ) անդամները: Նրանք պահանջում են մեղմացնել քրդերի առաջնորդ Աբդուլլահ Օջալանի բանտային պայմանները, վերացնել բանտերում ճնշումները և բանտարկյալնների իրաավունքների խախտումները, ինչպես նաև վերացնել արգելքներն այն գյուղերում, որտեղ ռազմական գործողություններ են իրականացվում:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։