Ահաբեկիչներին աջակցելու մեղադրանքով Թուրքիայում կրկին լրագրողներ են ձերբակալվել

Իրավական13:09, 24 Մարտ 2017

Ահաբեկիչներին աջակցելու մեղադրանքով Թուրքիայում կրկին լրագրողներ են ձերբակալվել

Թուրքիայում ահաբեկչական խմբավորման հետ համագործակցության մեղադրանքով կրկին լրագրողներ են ձերբակալվել:

Թուրքական «İlerihaber.org» լրատվակայքի տեղեկացմամբ՝ «DİHABER» լրատվականի թղթակիցներ Հայրի Դեմիրն ու Էմրահ Էրդողանը բերման են ենթարկվել: Նրանց կալանավորելու պահանջ է ներկայացվել:

Դատախազությունում անցկացված հարցաքննության ժամանակ լրագրողներին հարցեր են ուղղվել մասնավորապես Ռոժավայից հրապարակած լուրերի և սոցիալական հրապարակումների վերաբերյալ:

Լրագրողներ Դեմիրն ու Էրդողանը իրենց ցուցմունքում նշել են, որ Սիրիայում իրենց գործունեությունը, ներառյալ՝ սոցցանցերում թեմայի վերաբերյալ կատարված հրապարակումները, բացառապես լրագրողական բնույթ են կրել:

Հարցաքննությունից հետո լրագրողները դատախազությունից տեղափոխվել են դատարան՝ կալանավորման պահանջով:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։