Իրավական11:34, 23 Մարտ 2017
Թուրքիան առաջինն է «Twitter»-ին ներկայացված արգելափակման պահանջների թվով
«Twitter» սոցիալական ցանցը հրապարակել է 2016թ. իր «թափանցիկության զեկույցը»: Զեկույցի համաձայն՝ Թուրքիան առաջին տեղն է զբաղեցրել անցյալ տարվա ընթացքում «Twitter»-ում այս կամ այն բովանդակության արգելափակման պահանջների թվով: Այս մասին տեղեկացնում է «BBC Türkçe»-ն:
Թուրքիայի դատարանները 6 ամսվա ընթացքում բովանդակության արգելափակման 844 դիմում են ներկայացրել: «Twitter»-ի հրապարակած ցուցակում արգելափակման պահանջների թվով երկրորդ տեղում Բրազիլիան է, սակայն այս երկրից ստացված դիմումները անհամեմատ ավելի քիչ են. դրանք ընդամենը 33-ն են:
Թուրքիան առաջին տեղում է նաև առանց դատարանի որոշման ներկայացված արգելափակման պահանջների թվով: «Twitter»-ը բավարարել է դատական վճռի հիման վրա և առանց դատական վճռի ներկայացված այդ պահանջների միայն 18 տոկոսը:
Բացի այս, Թուրքիան առաջին տեղում է նաև «Twitter»-ի օգտատերերի հաշիվներն արգելափակելու պահանջների թվով: Նախորդ տարվա ընթացքում Թուրքիան ներկայացրել է օգտատերերի հաշիվներն արգելափակելու 8.417 պահանջ: Այդ պահանջներից բավարարվել է միայն 290-ը:
Իսկ օգտատերերի մասին ինֆորմացիա տրամադրելու պահանջների թվով Թուրքիան զբաղեցրել է 3-րդ հորիզոնականը: 2016թ. ընթացքում Թուրքիան 493 դիմում է ներկայացրել՝ տեղեկությունների պահանջելով 1.076 օգտատիրոջ մասին: «Twitter»-ը այդ պահանջներից և ոչ մեկը չի բավարարել:
Հայտնի է, սակայն, որ «Twitter» -ը աշխարհի մի շարք երկրներից պարբերաբար ստանում է օգտատերերի մասին ինֆորմացիա տրամադրելու դիմումներ և այնքան էլ հաճախ չի մերժում այդ պահանջները: Նշվում է, որ այս առումով Թուրքիան և Պակիստանն այն եզակի երկրներից են, որոնք 10-ից ավելի դիմում են ներկայացրել, սակայն դրանցից ոչ մեկը չի բավարարվել:
«Twitter»-ի օգտատերերի մասին տեղեկություններ ստանալու դիմումների թվով առաջին հորիզոնականում ԱՄՆ-ն է, երկրորդ տեղում՝ Ճապոնիան: ԱՄՆ-ից ստացված 5.618 պահանջներից բավարարվել է 82 տոկոսը, իսկ Ճապոնիայի ներկայացրած 1.216 պահանջներից՝ 64 տոկոսը:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |