Հայաստանը մշտապես գտնվում է Ադրբեջանի ու Թուրքիայի բացասական քարոզչության թիրախում

Հասարակական07:43, 21 Մարտ 2017

Հայաստանը մշտապես գտնվում է Ադրբեջանի ու Թուրքիայի բացասական քարոզչության թիրախում

«Հասարակայնության հետ կապերի հայաստանյան ասոցիացիան» (APRA), համագործակցելով Դավոսի հաղորդակցության համաշխարհային ֆորում ասոցիացիայի (World Communication Forum Association) հետ, մարտի 21-22 Երևանում կազմակերպել է ֆորում՝ «Ճգնաժամից դեպի զարգացում՝ սնվելով հաղորդակցությամբ» խորագրով:

WCFDavos/Yerevan երկօրյա ֆորումում բացման խոսքով հանդես եկած «APRA» նախագահ Արա Սաղաթելյանը նշեց, որ Հայաստանում արվում է ամեն հնարավորը՝ նվազեցնելու տեղեկատվական հոսքերի բացասական ազդեցությունը հասարակության վրա։

«Մեր հարևանները հնարավորություն չեն ստեղծում, որ մեր մասնագիտական միջավայրը հանգիստ զբաղվի առօրյա աշխատանքով։ Հայաստանը մշտապես գտնվում է Ադրբեջանի ու Թուրքիայի բացասական քարոզչության, հակահայկական նախաձեռնությունների թիրախում»:

Սաղաթելյանը ընդգծեց նաև, որ Հայաստանում խոսքի ազատությունը գերագույն արժեք է:

«Բոլորիս համար խոսքի ու մամուլի ազատությունը ու դրանց շարունակական զարգացումը այն արժեքներն են, որոնք առաջնային են ժողովրդավարական գործընթացների համատեքստում։ Բոլորս ձգտում ենք, որ այդ ազդեցությունը զարգանա ու դառնա մեր կյանքի անբաժանելի մաս»:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։