Իրավական09:25, 21 Մարտ 2017
Թուրքիան ԵՄ-ից հետ կպահանջի վերջին 10 տարում վիզաների համար վճարված գումարները
Թուրքիան պատրաստվում է հայց ներկայացնել Եվրամիության (ԵՄ) դեմ՝ պահանջելով վերադարձնել վերջին 10 տարում մուտքի վիզաների համար վճարված գումարները: Թուրքական «Türkiye» թերթի կայքի համաձայն՝ սա Թուրքիայի պատասխանն է ԵՄ-ի՝ անցագրային ռեժիմի չեղարկման մասին դեռևս չիրականացված խոստմանը:
Նախաձեռնության հեղինակներն են Թուրքիայի Միջազգային իրավապաշտպան միությունը, Տնտեսական զարգացման հիմնադրամը և Արտերկրի թուրքերի գրասենյակը: Այս կազմակերպությունները գերմանացի փաստաբան Ռոլֆ Գութմանի միջոցով կդիմեն դատարան՝ պահանջելով վերադարձնել նշված ժամանակահատվածում վիզաների համար վճարված շուրջ 500 մլն դոլարը: Թուրքական կողմի պնդմամբ՝ այդ գումարների գանձումը անօրինական է եղել, հակասել է ԵՄ-ի հետ կնքված առանց անցագրի ռեժիմի վերաբերյալ պայմանագրի դրույթներին և մեծ խոչընդոտներ է ստեղծել ու վնաս հասցրել արտերկրի հետ աշխատող թուրք գործարարներին:
Միջազգային իրավապաշտպան միության նախագահ Հասան Ֆեթթահը նշել է, որ ԵՄ-ի դեմ հայց կարելի է ներկայացնել նաև Թուրքիայի դատարաններում, իսկ եթե դատարանը բավարարի հայցով ներկայացված պահանջները, ապա վերոնշյալ գումարները հնարավոր կլինի գանձել Թուրքիայում ներդրումներ կատարած եվերոպական ընկերությունների եկամուտներից:
Հիշեցնենք, որ Թուրքիայի քաղաքացիների համար վիզաների չեղարկումը Թուրքիայի և Եվրամիության միջև կնքված փախստականների հոսքի կանխարգելման մասին պայմանագրի մի մասն է: Սակայն վիզաների չեղարկումը պարբերաբար հետաձգվում է, քանի որ Թուրքիան չի կարողանում կատարել պայմանագրի շրջանակներում իր ստանձնած բոլոր պարտավորությունները:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |