Ռուս պատգամավոր. S-400-ները ուղարկեցինք Չինաստան, հերթը Թուրքիայինն է

Տարածաշրջան09:54, 21 Մարտ 2017

Ռուս պատգամավոր. S-400-ները ուղարկեցինք Չինաստան, հերթը Թուրքիայինն է

Ռուսաստանի Դաշնության (ՌԴ) Պետդումայի տնտեսական քաղաքականության հանձնաժողովի փոխնախագահ, պատգամավոր Վլադիմիր Գուտենևը հայտարարել է, որ Թուրքիան և Հնդկաստանը սպասում են ռուսական «S-400» ՀՕՊ համակարգերի մատակարարմանը:

Ըստ «Sputnik» լրատվամիջոցի թուրքական ծառայության` այդ մասին Գուտենևը հայտարարել է ռուսական «Эхо Москвы» ռադիոկայանի հետ զրույցում: Տեղեկացրել է, որ Ռուսաստանը արդեն սկսել է «S-400» ՀՕՊ համակարգեր մատակարարել Չինաստանի Ժողովրդական Հանրապետությանը (ՉԺՀ):

Գուտենևի հայտարարության վերաբերյալ առայժմ որևէ մեկնաբանություն չի արվել ոչ ռուսական «Рособоронэкспорт» պետական կազմակերպությունը, ոչ էլ Ռուսաստանի դաշնային ռազմատեխնիկական համագործակցության ծառայությունը:

Հիշեցնենք, որ 2015թ. Ռուսաստանի և Չինաստանի միջև պայմանագիր էր ստորագրվել «S-400» առքի վերաբերյալ: Աղբյուրը նաև նշում է, որ ռուսական ՀՕՊ համակարգերի շուրջ Թուրքիայի հետաքրքրությունը աշխարհում մեծ արձագանք է ստացել: Մասնավորապես քննարկվում է այն հարցը, թե ինչ ազդեցություն կունենա դրանց վաճառքը Թուրքիա-ՆԱՏՕ հարաբերությունների վրա:

Աղբյուր` Ermenihaber.am

Այս ենթաբաժնի վերջին նորությունները

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: