Տարածաշրջան13:01, 16 Մարտ 2017
Թուրքիա. «S-400 համակարգերը գնելու դեպքում դրանք չենք ինտեգրելու ՆԱՏՕ-ի սպառազինությանը»
Թուրքիայի պաշտպանության նախարար Ֆիքրի Ըշըքը «A Haber» հեռուստատեսությանը տված հարցազրույցում անդրադարձել է Ռուսաստանից S-400 հակաօդային պաշտպանության համակարգերի գնման բանակցություններին:
Ըստ թուրքական «Habertürk» թերթի կայքի` Ըշըքը հայտարարել է, որ S-400 ՀՕՊ համակարգերի մատակարարման շուրջ տարվող բանակցությունները հաջողությամբ առաջ են գնում, և որևէ խոչընդոտ չկա:
«Եթե ամեն ինչ հաջողությամբ ավարտվի, Թուրքիան իր հակաօդային պաշտպանությունն ապահովելու նպատակով կարող է գնել S-400 համակարգերը»,- ասել է նախարարը:
Ըշըքը նաև տեղեկացրել է, որ նշյալ համակարգերը ձեռք բերելու դեպքում ՆԱՏՕ-ի անդամ հանդիսացող Թուրքիան դրանք չի ինտեգրելու դաշինքի սպառազինության համակարգին:
«Համակարգերը կգործարկենք մեր միջոցներով: Դրանք կլինեն Թուրքիայի սպառազինության մեջ, ՆԱՏՕ-ի համակարգերին չեն ինտեգրվի»,- ասել է Ըշըքը:
Վերջինս շեշտել է նաև, որ Թուրքիայի զինված ուժերը հեռահար ՀՕՊ համակարգերով համալրելու հարցում իրենք ի սկզբանե նախապատվությունը տվել են ՆԱՏՕ-ի անդամ երկրների արտադրանքին` հիշեցնելով այլ երկրների հետ իրենց բանակցությունները:
«Ցավոք, ՆԱՏՕ-ի անդամ երկրների դեպքում մենք սակագների և տեխնոլոգիայի փոխանցման հարցում չստացանք համապատասխան արտոնությունները»,- եզրափակել է թուրք նախարարը:
Հիշեցնենք, որ ՌԴ նախագահի խոսնակ Դմիտրի Պեսկովը նախօրեին հայտարարել էր, որ նախագահներ Պուտինի Էրդողանի միջև համաձայնություն է ձեռք բերվել ռուսական արտադրության S-400 հակաօդային պաշտպանության համակարգերի մատակարարման հարցում:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Forbes Türkiye» բիզնես-ամսագիրը հրապարակել է Թուրքիայի ամենահարուստ 100 մարդկանց ցանկը։
Ամերկյան ընկերությունը հրապարակել է 2025-ին աշխարհում ամենաուժեղ բանակն ունեցող պետությունների ցանկը:
Օրակարգում է եղել Պակիստանի և Հնդկաստանի միջև մեկնարկած ռազմական բախումը:
Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։
Թուրքիայի Ռիզե նահանգի փոխնահանգապետն ընդունել է Բաթումիում Թուրքիայի գլխավոր հյուպատոսի և Աջարիայի առևտրաարդյունաբերական պալատի նախագահի պատվիրակությանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |