Թուրքիան, Էստոնիան և ԱՄԷ-ն առաջին «անվարորդ» զրահամեքենան են արտադրել

Տնտեսական09:44, 22 Փետրվար 2017

Թուրքիան, Էստոնիան և ԱՄԷ-ն առաջին «անվարորդ» զրահամեքենան են արտադրել

Թուրքական ռազմարդյունաբերական «ASELSAN» ընկերությունը, էստոնական «MILREM» և արաբական «IGG» ընկերությունները համատեղ նոր ցամաքային զրահամեքենա են արտադրել: Թուրքական «Ekonomi Haber» լրատվակայքի տեղեկացմամբ՝ դա առաջին ռազմական մեքենան է, որը գործում է առանց մարդու կողմից անմիջական ղեկավարման:

«THeMIS» անունը կրող սարքը աշխատում է մարտկոցով և ընդունակ է մեկ լիցքավորմամբ անխափան գործել 10 ժամ: Այն ունի շուրջ 750կգ բեռ կրելու հնարավորություն:

Նոր ռազմասարքը ներկայացվել է Արաբական Միացյալ Էմիրությունների մայրաքաղաք Աբու Դաբիում կազմակերպված միջազգային ռազմարդյունաբերական համաժողովի և ցուցադրության (IDEX) Էստոնիայի տաղավարում:

Միջին Ասիայի և Աֆրիկայի երկրների համար նախատեսված սարքը կրում է «Aselsan»-ի կողմից արտադրված «SARP» հեռահար կրակային կայանը:

Բացի ռազմական գործիք լինելուց՝ «THeMIS»-ը բազմաթիվ այլ ֆունկցիաներ ունի: Այն կարող է ռազմամթերք տեղափոխել, հայտնաբերել ինքնաշեն պայթուցիկ սարքեր, դուրս բերել վիրավորներին, ինչպես նաև՝ օգտագործվել որպես անօդաչու սարքերի համար վայրէջքի հարթակ:

Աղբյուր` Ermenihaber.am

Այս ենթաբաժնի վերջին նորությունները

12:42, 05 մայ

Թուրքիայի և Սիրիայի միջև էներգետիկ համաձայնագիր կկնքվի

Նշվում է, որ աշխատանքներ են տարվում Թուրքիայից դեպի Հալեպ և Իդլիբ էլեկտրաէներգիա և գազ փոխադրելու 2 նոր գծի վրա։

14:40, 02 մայ

Թուրքիան աշխարհում 159-րդն է մամուլի ազատության ինդեքսով

«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: