Մշակութային13:24, 16 Փետրվար 2017
Թուրքիայի բնակչության 70 տոկոսը երբևէ չի մասնակցում որևէ մշակութային միջոցառման
Ստամբուլի մշակույթի և արվեստի հիմնադրամը զեկույց է հրապարակել թուրք հասարակության և մշակույթի առնչությունների վերաբերյալ: Զեկույցում ամփոփվել են 2016թ. հունիս-սեպտեմբեր ամիսներին Թուրքիայում իրականացված ուսումնասիրության արդյունքները:
«CNN Türk»-ի փոխանցմամբ՝ հիմնադրամի հրապարակած զեկույցում արձանագրվել է, որ այս երկրի բնակչության 39 տոկոսը երբեք գրքեր չի կարդում, 49 տոկոսը չի հաճախում կինոթատրոն, 66 տոկոսը չի հաճախում թատրոն, համերգ, օպերա, 47 տոկոսը ամսագրեր չի կարդում, 81 տոկոսը չի կարողանում նվագել որևէ երաժշտական գործիքի վրա, 86 տոկոսը որևէ մասնագիտությամբ դասընթացների չի հաճախում:
Ուսումնասիրության արդյունքների համաձայն՝ Թուրքիայի բնակչության 85 տոկոսը ամենից հաճախ մշակույթի հետ առնչվում է հեռուստացույցի միջոցով: Բնակչության 70 տոկոսը ընդհանրապես երբևէ չի մասնակցում որևէ մշակութային միջոցառման, 20 տոկոսը տարեկան մեկ կամ մի քանի անգամ մասնակցում է վճարովի միջոցառումների, իսկ 10 տոկոսը մասնակցում է միայն անվճար մշակութային միջոցառումների: Ընդ որում, ամենից ակտիվ կերպով մշակույթի հետ առնչվում են 18-24 տարիքային խմբի ներկայացուցիչները:
Հասարակության և մշակույթի միջև այս խզման պատճառների թվում նշվում են հասարակության մեջ տարածված ստերոտիպերը, սոցիալական միջավայրի և կրթության համակարգից ծագող խոչընդոտները, նյութական խնդիրները:
Այս ենթաբաժնի վերջին նորությունները
Ֆիլմը լինելու է Թուրքիայի և Հայաստանի միջև առաջին համատեղ լիամետրաժ ֆիլմարտադրանքը:
Արա գյուլերի մրցաշարում առաջին տեղը գրավել է Ստամբուլում գործող հայկական «Կենտրոնական» ավագ դպրոցի սան Մարինա Աբդը:
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |