Կանխատեսում. «2050թ. Թուրքիայի տնտեսությունն աշխարհում ամենահզորներից մեկը կլինի»

Տնտեսական07:36, 09 Փետրվար 2017

Կանխատեսում. «2050թ. Թուրքիայի տնտեսությունն աշխարհում ամենահզորներից մեկը կլինի»

«PriceWaterhouseCoopers» (PWC) ընկերությունը հրապարակել է այն երկրների ցուցակը, որոնք 2050-ին, ըստ իր կանխատեսումների, կունենան աշխարհի ամենահզոր տնտեսությունը:

Թուրքական իշխանամետ «Yeni Şafak» թերթի կայքի համաձայն՝ PWC-ի գնահատմամբ՝ 2030թ. Թուրքիայի համախառն ներքին արդյունքը կկազմի 3 տրիլիոն դոլար, իսկ 2050թ.՝ 5 տրիլիոն: Այդպիսով, Թուրքիան 2050թ. այս չափանիշով կգերազանցի Ֆրանսիային, Իտալիային, Հարավային Կորեային: Նշենք, որ 2016թ. Թուրքիայի համախառն ներքին արդյունքը համաժեք է եղել 1.9 տրիլիոն ԱՄՆ դոլարի:

2016թ. դրությամբ Թուրքիան տնտեսական զարգացման առումով աշխարհում 14-րդն է: Ըստ կանխատեսման՝ 2030թ. ամենազարգացած տնտեսություն ունեցող երկրների ցուցակում այս երկիրը կզբաղեցնի 12-րդ, իսկ 2050թ.՝ 11-րդ հորիզոնականը:

Ընկերության կանխատեսումների համաձայն՝ 2042թ. համաշխարհային տնտեսությունը կրկնակի անգամ ավելի հզոր կլինի, քան այսօր է: 2016թ. մինչև 2050թ. համաշխարհային տնտեսույթան մակարդակը կաճի տարեկան շուրջ 2.5 տոկոսով: Իսկ այդ զարգացման շարժիչ ուժը կհանդիսանան ամենաարագ զարգացող «Emerging 7» երկրները՝ Թուրքիան, Չինաստանը, Հնդկաստանը, Բրազիլիան, Ռուսաստանը, Ինդոնեզիան, Մեքսիկան: Այս երկրներում մինչև 2050թ. կգրանցվի տարեկան 3.5 տոկոս տնտեսական աճ:

Աղբյուր` Ermenihaber.am

Այս ենթաբաժնի վերջին նորությունները

12:42, 05 մայ

Թուրքիայի և Սիրիայի միջև էներգետիկ համաձայնագիր կկնքվի

Նշվում է, որ աշխատանքներ են տարվում Թուրքիայից դեպի Հալեպ և Իդլիբ էլեկտրաէներգիա և գազ փոխադրելու 2 նոր գծի վրա։

14:40, 02 մայ

Թուրքիան աշխարհում 159-րդն է մամուլի ազատության ինդեքսով

«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։

14:34, 30 ապր

Թուրքիայի զբոսաշրջության ոլորտը նոր ռեկորդներ է սահմանում

Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը: