Իրավական07:19, 01 Փետրվար 2017
Հրապարակվել են Թուրքիայի ձախողված հեղաշրջման կազմակերպիչների անունները
Թուրքիայի ներքին գործերի նախարարությունը հրապարակել է 2016թ. հուլիսի 15-ի ձախողված պետական հեղաշրջման 6 գլխավոր կազմակերպիչների անունները:
Թուրքական «Milliyet» թերթի կայքը տեղեկացնում է, որ նախարարությունից հեղաշրջման փորձը հետաքննող խորհրդարանական հանձնաժողովին է ուղարկվել փաստաթղթերի մի փաթեթ: Դրանում տեղ գտած տեղեկությունների համաձայն՝ կազմակերպիչների ցուցակը գլխավորում է Թուրքիայի զինված ուժերի գլխավոր շտաբի գեներալ Մեհմեդ Փարթիգյոչը:
Կազմակերիչների թվում են նաև ցամաքային ուժերի հրամանատարության շտաբի պատասխանատու Էրհան Ջահան, ռազմածովային ուժերի հրամանատարության շտաբի պատասխանատու Իրֆան Արաբաջըն, ռազմաօդային ուժերի հրամանատարության շտաբի պատասխանատու Իլհան Քարասուն, ժանդարմերիայի գլխավոր հրամանատարության շտաբի պատասխանատու Ֆարուք Բալը և առափնյա անվտանգության հրամանատարության շտաբի պատասխանատու Մուստաֆա Շահին Գյումուշիյնեն :
Ներքին գործերի նախարարության ուղարկած փաստաթղթերի փաթեթում տեղ են գտել նաև հեղաշրջումից հետո նշանակվելիք պաշտոնյաների ցանկը և ռազմական դրություն հայտարարելու հրամանագիրը: 20 հոդվածից բաղկացած հրամանագրում արձանագրվել է, որ հուլիսի 16-ին՝ ժամը 03:00-ին կառավարությունը զավթվել է, և այդ պահից երկրում ռազմական դրություն է հայտարարվել:
Իշխանության զավթումից հետո նոր նշանակումների վերաբերյալ ցուցակներից մեկում ԶՈՒ գլխավոր շտաբի պետ Հուլուսի Աքարի և ցամաքային ուժերի հրամանատար Սալիհ Զեքի Չոլաքի անվան դիմաց որևէ գրառում չի եղել, իսկ ժանդարմերիայի նախկին գլխավոր հրամանատար Գալիպ Մենդիի անվան դիմաց դրված է եղել «շարունակել» նշումը:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Երկու նախագահների մասնակցությամբ Քահրամանմարաշում տեղի է ունենալու երկրաշարժից հետո կառուցված «Ադրբեջանի թաղամասի» բացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |