Իրավական07:50, 31 Հունվար 2017
Թուրքիայում քրդամետ կուսակցության պատգամավորների նկատմամբ հետապնդումները շարունակվում են
Թուրքիայում կալանավորվել է քրդամետ «Ժողովուրդների դեմոկրատական կուսակցությունը» (HDP-ԺԴԿ) ներկայացնող պատգամավոր Մերալ Դանըշ Բեշթաշը:
Թուրքական «Sondakika» լրատվական կայքը տեղեկացնում է, որ նախօերին Բեշթաշը և ԺԴԿ-ի խոսնակ Այհան Բիլգենը բերման էին ենթարկվել, ապա դատարանի որոշմամբ ազատ արձակվել: Սակայն Դիարբեքիրի հանրապետական դատախազությունը բողոքարկել էր դատարանի որոշումը: Դատախազության դիմումը բավարարվել էր և պատգամավորները կրկին բերման են ենթարկվել: Մերալ Դանըշ Բեշթաշի նկատմամբ կալանավորման որոշում է կայացվել:
ԺԴԿ ևս մեկ պատգամավոր Լեզգին Բոթան Վանի դատախազության որոշմամբ բերման է ենթարկվել՝ իր նկատմամբ բացված քրեական գործի հետքաննության շրջանակներում ցուցմունք տալու համար: Նա մեղադրվում է «ահաբեկչական կազմակերության օգտին քարոզչություն անելու», «հրապարակավ հանցագործության դրդելու» և «զինված ահաբեկչական կազմակերպությանն անդամակցելու» մեջ: Պատգամավորը դատարանի որոշմամբ ազատ է արձակվել:
Հիշեցնենք, որ 2016թ նոյեմբերի սկզբին բերման էին ենթարկվել ԺԴԿ-ի 11 պատգամավոր, որոնցից 9-ը, այդ թվում կուսակցության համանախագահներ՝ Սելահաթթին Դեմիրթաշը և Ֆիգեն Յուքսեքդաղը, կալանավորվել էին:
Հունվարի 17-ին տեղի էր ունեցել Դեմիրաթաշի առաջին դատը, որի ժամանակ դատախազությունը նրա նկատմամբ 142 տարվա ազատազրկում է պահանջել: ԺԴԿ մյուս համանախագահ Ֆիգեն Յուքսեքդաղի համար դատախազությունը պահանջել է 83 տարվա ազատազրկում:
Այս ենթաբաժնի վերջին նորությունները
Թուրքիայում ազատազրկված անձանց թիվը ներկա դրությամբ հասնում է 362.000-ի։
Իտալական մամուլի տեղեկություններով՝ նրանք կասկածվում են «Մակկինա դի Սանտա Ռոզա» տոնին հնարավոր հարձակման նախապատրաստման մեջ։
Եթե 2020-ի դրությամբ Թուրքիայում քրեակատարողական հիմնարկների համալրվածությունը կազմում էր մոտավորապես 230.000, ապա այսօր այն գերազանցում է 266.000-ը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Հանդիպմանը կողմերն անդրադարձել են նաև տարածաշրջանային հարցերի։
Դա Թուրքիայում հանրային լայն քննարկումների առիրթ է դարձել։
Թուրքիայում ազատազրկված անձանց թիվը ներկա դրությամբ հասնում է 362.000-ի։
Թուրքիայի նախագահ. «Մենք կատեգորիկ թույլ չենք տա, որ խաթարվեն մեր փողոցները»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |