ERMENI HABER AJANSI

Թուրքիայի վիճակագրական ծառայությունը 2016 թվականի համար հրապարակել է գրանցման տվյալների վրա հիմնված բնակչության տվյալները: Ըստ թուրքական «Sondakika.com» լրատվական կայքի` 2016 թվականին երկրի բնակչությունը հասել է 79.814.871 մարդու: Նշվում է, որ 2015-ին 78.741.053 հոգի կազմող բնակչությունը մեկ տարվա ընթացքում ավելացել է 1.073.818-ով:

Երկրում արական սեռի բնակչության թիվը կազմում է ամբողջի 50.2 տոկոսը (40.043.650), իգականինը` 49.2 տոկոսը (39.771.221): Տարեկան բնական աճը 1000 մարդու հաշվարկով կազմել է 13.5, 2015-ի 13.4-ի դիմաց:

Քաղաքաբնակների թիվը կազմել է բնակչության 92.3 տոկոսը, ավաններում ու գյուղերում ապրողներինը` 7.7 տոկոս:

Թուրքիայի բնակչության 18.5 տոկոսը (14.8 միլիոն) բնակվում է երկրի ամենամեծ նահանգում` Ստամբուլում, որին բնակչության թվով հաջորդում են Անկարան (5.3 միլիոն), Իզմիրը (4.2 միլիոն), Բուրսան (2.9 միլիոն):