Թուրքիան կոռուպցիայի ընկալման վարկանիշային աղյուսակում նահանաջել է 9 հորիզոնականով

Հասարակական09:09, 25 Հունվար 2017

Թուրքիան կոռուպցիայի ընկալման վարկանիշային աղյուսակում նահանաջել է 9 հորիզոնականով

«Transparency International»-ի հակակոռուպցիոն կենտրոն միջազգային հասարակական կազմակերպությունը հրապարակել է 2016 թվականի կոռուպցիայի ընկալման ինդեքսը:

Թուրքական «Doğu» լրատվական գործակալության տեղեկացնում է, որ Թուրքիան նախորդ տարվա համեմատ նահանջել է 9 աստիճանով: 2016 թվականի վարկանիշային աղյուսակում Թուրքիան 41 միավորով 176 երկրների շարքում զբաղեցրել է 75-րդ տեղը:

Եվրամիության երկրների ցուցանիշների հետ համեմատությամբ Թուրքիան նույնքան միավոր ունի, որքան Բուլղարիան, որը ԵՄ-ում այդ ցուցանիշով վերջինն է: G20-ի երկրների շարքում 13-րդն է: Իսկ ահա Արևելյան Եվրոպայի և Կոնտրոնական Ասիայի երկրների շարքում 4-րդն է Վրաստանից, Մոնտենեգրոյից և Սերբիայից հետո:

Առաջատար եռյակում են Դանիան, Նոր Զելանդիան և Նորվեգիան: Ամենակոռումպացված երկրներն են ԿԺԴՀ-ն, Հարավային Սուդանը և Սոմալին:

«Transparency International»-ի նախագահ Օյա Օզարսլանի կարծիքով Թուրքիայի հետընթացը պայմանավոված է մի շարք պատճառներով: «Վերջին տարիներին կոռուպցիայի դեմ պայքարում որևէ զարգացումների բացակայություն, խնդրի առնչությամբ տեղական և միջազգային կառույցների զգուշացումների անտեսում, թափանցիկությունից և արդյունավետ կառավարման ընկալումից օր օրի էլ ավելի հեռացում»:

Կազմակերպությունը վարկանիշային աղյուսակը կազմում է հաշվի առնելով մասնագետների, հասարակական կազմակերպությունների հարցումները և հասանելի վիճակագրական տվյալները: Գնահատում ըկատարվում է 0-ից (կոռումպացված) մինչև 100 (կոռուպցիայի բացակայություն) բալային համակարգով:

Աղբյուր` Ermenihaber.am