Թուրքական հեռուստաընկերությունը տուգանվել է ընդդիմադիր առաջնորդին վիրավորելու համար

Հասարակական13:16, 13 Հունվար 2017

Թուրքական հեռուստաընկերությունը տուգանվել է ընդդիմադիր առաջնորդին վիրավորելու համար

Թուրքիայի ռադիո-հեռուստատեսության գերագույն խորհուրդը (RTÜK) տուգանել է «Akit TV»-ին Թուրքիայի գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) նախագահ Քեմալ Քըլըչդարօղլուին վիրավորելու համար:

Թուրքական «Hurriyet» թերթի տեղեկացմամբ՝ հեռուստաընկերությանը տուգանելու համար հիմք է ծառայել ԺՀԿ պատգամավոր Բարըշ Յարքադաշի դիմումը: Համաձայն որի՝ հեռուստաալիքի լուրերի ծրագրի ընթացքում Քըլըչդարօղլուի և ԺՀԿ-ական մի շարք պատգամավորների հասցեին այնպիսի վիրավորական արտահայտություններ են հնչել, ինչպիսիք են «ահաբեկիչ», «գործակալ»:

«Akit TV»-ին տուգանելու որոշումն ընդունվել է ձայների 9-ը 6-ի հարաբերակցությամբ: Հեռուստաընկերությունը պետք է վճարի նախորդ ամսվա իր շահույթի 1 տոկոսը:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։