Թուրքիայի իշխող կուսակցության ներկայացուցիչը «ահաբեկչության սատարում» է որակել ընդդիմադիր երիտասարդների ակցիան

Տարածաշրջան12:26, 10 Հունվար 2017

Թուրքիայի իշխող կուսակցության ներկայացուցիչը «ահաբեկչության սատարում» է որակել ընդդիմադիր երիտասարդների ակցիան

Թուրքիայի Սաքարյա նահանգի Սերդիվան շրջանի ԱԶԿ-ական (Արդարություն և զարգացում կուսակցություն-AKP) ղեկավար Յուսուֆ Ալեմդարը «Թուրքիան աշխարհիկ է, աշխարհիկ էլ կմնա» գրությամբ պաստառների ներքո անցկացվող ակցիան որակել է որպես «աջակցություն ահաբեկչությանը»:

Ըստ թուրքական «T24.com.tr» լրատվական կայքի` Ալեմդարը, անդրադառնալով Սաքարյայի առևտրի կենտրոններից մեկում ընդդիմադիր «Ժողովրդահանրապետական կուսակցության» (ԺՀԿ-CHP) երիտասարդական թևի 3 անդամի անցկացրած ակցիային, «Twitter» սոցցանցում արել է հետևյալ գրությունը.

«Ոչ ոք իրավունք չունի խաթարել մեր քաղաքացիների անդորրը: Այնպիսի արտահայտությունները, ինչպիսիք են «Թուրքիան աշխարհիկ է և աշխարհիկ էլ կմնա», միայն աջակցություն են ահաբեկչությանը»:

Նրա խոսքով այս պահին Թուրքիան աշխարհիկության պահպանման հետ կապված խնդիր չունի: Ալեմդարը հայտարարել է, որ քաղաքականությամբ զբաղվողները պետք է հեռու մնան այդպիսի «սադրիչ» ակցիաներից, ԺՀԿ-ականներին էլ խորհուրդ է տվել ուշադրություն դարձնել քաղաքական արտահայտություններ անելիս:

Հիշեցնենք, որ երեկ ԺՀԿ-ական 3 երիտասարդ մուտք են գործել Սաքարիայի ամենամեծ առևտրի կենտրոն և տարբեր կարգախոսներ վանկարկել: Նրանց ձեռքին եղել են պաստառներ՝ «Թուրքիան աշխարհիկ է, աշխարհիկ էլ կմնա», «Անկարա, Ստամբուլ, Անթեփ, Իզմիր, Ռեինա» և «ԺՀԿ Սաքարիայի երիտասարդական թև» գրությամբ:

Երիտասարդների գործողությունները դժգոհություն են առաջացրել ներկաների շրջանում: Որոշ քաղաքացիներ հարձակվել և ծեծի են ենթարկել երիտասարդներին: Միջադեպին միջամտել են տեղի անվտանգության աշխատակիցները, որոնք այնուհետև 3 երիտասարդներին հանձնել են ոստիկանությանը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։