Դիարբեքիրի Լիջե շրջանում կրկին պարետային ժամ է հայտարարվել

Տարածաշրջան08:54, 05 Հունվար 2017

Դիարբեքիրի Լիջե շրջանում կրկին պարետային ժամ է հայտարարվել

Թուրքիայի Դիարբեքիր նահանգի ամենաանհանգիստ շրջաններից մեկի` Լիջեյի 10 համայնքում պարետային ժամ (փողոց դուրս գալու արգելք) է հայտարարվել:

Ըստ թուրքական «Sondakika.com» լրատվական կայքի` պարետային ժամի ընթացքում թուրքական անվտանգության ուժերը մեծ գործողություն են իրականացնելու շրջանում գործունեություն ծավալող «Քուրդիստանի բանվորական կուսակցության» (PKK-ՔԲԿ) զինյալների դեմ:

Գործողությունն իրականացվելու է համայնքների հարակից դաշտային ու լեռնային տեղանքներում, որտեղ գտնվում են քուրդ զինյալների գաղտնի կացարանները, պահեստներն ու զինանոցները: Այսօր վաղ առավոտից ուժի մեջ մտած պարետային ժամը կչեղարկվի միայն նահանգապետարանի կողմից տարածվելիք լրացուցիչ հրամանագրով` գործողության ավարտից հետո:

Նշենք, որ Դիարբեքիրի Լիջե շրջանում առավել ակտիվ են PKK-զինյալները, ինչի պատճառով այստեղ հաճախ են տեղի ունենում պարետային ժամով ուղեկցվող ոստիկանական գործողություններ ու բախումներ կողմերի միջև:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։