Թուրքիայից Սիրիա է մեկնել 500 հատուկջոկատային

Տարածաշրջան07:53, 26 Դեկտեմբեր 2016

Թուրքիայից Սիրիա է մեկնել 500 հատուկջոկատային

Թուրքիայի Կայսերի քաղաքից Սիրիայի Էլ-Բաբ քաղաք 500 հատուկջոկատային ուղարկվել, որտեղ թուրքական ուժերը իրականացնում են «Եփրատի վահան» գործողությունը: Ըստ թուրքական «Haberler» լրատվամիջոցի` «թուրք հատուկջոկատայինների Էլ-Բաբ են մեկնում, որպեսզի քաղաքը վերջնականապես մաքրեն ԻՊ-ի ահաբեկիչներից»: Այդ նպատակով Սիրիայի Հալեպ քաղաքից թուրքական ուժերին օգնելու նպատակով Հալեպ քաղաքից Էլ-Բաբ են մեկնելու նաև 1400 «Սիրիայի Ազատ բանակ» խմբավորման անդամներ, որին պաշտոնական Անկարան աջակցություն է ցուցաբերում սիրիական ճգնաժամի ընթացքում:
Աղբյուրը նշում է, որ ավելի վաղ թուրքական և Սիրիայի ընդդիմադիր ուժերը ԻՊ-ից ազատագրել էին ռազմավարական կարևոր նշանակություն ունեցող Աքիլ սարի շրջակայքը, որ մոտ է Էլ-Բաբին:

Իսկ դեկտեմբերի 21-ին թուրքական ուժերի և ԻՊ-ի զինյալների միջև Էլ-Բաբ քաղաքում տեղի ունեցած բախումների ժամանակ սպանվել էր 16 թուրք զինվոր: Նշյալ տեղեկությունը հաստատել էր նաև Թուրքիայի պաշտպանության նախարար Ֆիքրի Ըշըքը:

Հիշեցնենք, որ սիրիական սահմանային Ջերաբլուս քաղաքը ԻՊ ահաբեկիչներից մաքրելուն ուղղված օպերացիայի շրջանակներում օգոստոսի 24-ի վաղ առավոտյան կոալիցիոն ուժերի աջակցությամբ Թուրքիայի զինված ուժերի լայնամասշտաբ գործողություններ սկսեցին: Ահաբեկիչնեի դեմ հիմնական ցամաքային գործողություններն իրականացնում են «Սիրիայի ազատ բանակ» կոչվող զինված ընդդիմության մարտիկները՝ Թուրքիայի մի քանի հարյուր հատուկջոկատայինների և հրետանային ստորաբաժանումների մասնակցությամբ: Ջերաբլուսի վերահսկողությունն արդեն իրենց ձեռքը վերցրած սիրիական զինված ընդդիմությունը Թուրքիայի համակողմանի աջակցությամբ շարժվում է դեպի Մանբիջ քաղաք, որը Սիրիայի քրդերը վերջին շրջանում կարողացել էին գրավել ԻՊ զինյալներից: