Թուրքիայի բնակիչներից ամեն 4-րդը սեփական զենք ունի

Հասարակական13:20, 26 Դեկտեմբեր 2016

Թուրքիայի բնակիչներից ամեն 4-րդը սեփական զենք ունի

Թուրքական «Umut» հիմնադրամի տնօրենների խորհրդի անդամ Այհան Աքջանն ուշագրավ տեղեկություններ է հրապարակել երկրում առկա ապօրինի զենքի մասշտաբների վերաբերյալ: Թուրքական ընդդիմադիր «Cumhuriyet» թերթի կայքի փոխանցմամբ՝ Աքջանը նշել է, որ Թուրքիայում յուրաքանչյուր 2-րդ տանը զենք կա: Դա կազմում է շուրջ 20 միլիոն: Ընդ որում, այդ զենքերի 85 տոկոսը արտոնագրված չէ: Աքջանը նշել է նաև, որ վերջին 10 տարում Թուրքիայում առկա չարտոնագրված զենքերի ծավալներն ավելացել են 10 անգամ:

Այդ աճի պատճառներից է ահաբեկչական հարձակումների հաճախակիացումը, բռնությունների և պատերազմի մասին մշտապես շրջանառվող լուրերը, որոնց պատճառով հասարակությունը մշտապես վախի մթնոլորտի մեջ է և իրեն ապահով զգալու կարիք ունի:

«Բնակչույթանը պատկանող 20մլն միավոր զենքից շուրջ 2.5 միլիոնն արտոնագրված է, մնացած 17.5 միլիոնը՝ ոչ: Այսինքն 80 մլն բնակչություն ունեցող երկրում յուրաքանչյուր 4-ից 1-ը զենք ունի: Ողջ աշխարհում բնակչության զինվածության ցուցանիշով Թուրքիան աշխարհում 27-րդ տեղում է:

«Umut» հիմնադրամի հրապարակած վիճակագրության համաձայն՝ Թուրքիայում մասնավոր զենքով կատարված հանցագործությունների 65 տոկոսը կատարվում է հրազենից: Համաձայն մամուլի հրապարակումների՝ մասնավորապես 2015թ. Թուրքիայում հրազենային զենքի կիրառմամբ 2.175 հանցագործություն է գրանցվել:

Նշենք նաև, որ բնակչության զինվածության տեսակետից աշխարհում առաջատար են Ասիայի և Միջին Արևելքի երկրները: 2016թ. զենք գնելու նպատակով ամենամեծ գումարներ են ծախսել Հնդկաստանը, Սաուդյան Արաբիան և Չինաստանը: Այս տարի ողջ աշխարհում զենք վաճառող 100 առաջատար ընկերություններն ավելի քան 370.700 մլրդ դոլար ընդհանուր արժողությամբ զենք են վաճառել:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։