Քաղաքական10:48, 22 Դեկտեմբեր 2016
Թուրք ընդդիմադիր գործիչը իշխանություններին մեղադրել է ռուս դեսպանի սպանության մեջ
Թուրքիայի գլխավոր ընդդիմադիր «Ժողովրդահանրապետական» կուսակցության (CHP-ԺՀԿ) խոսնակ Սելին Սայեք Բյոքեն Թուրքիայում Ռուսաստանի դեսպան Անդրեյ Կառլովի սպանության մեջ մեղադրել է երկրի իշխող «Արդարություն և զրագացում կուսակցությանը» (AKP-ԱԶԿ): Այս մասին տեղեկացնում է թուրքական «Demokrathaber» լրատվական կայքը:
«ԺՀԿ» գործադիր խորհրդի ժողովում ունեցած ելույթի ժամանակ Բյոքեն նշել է, որ կարևոր չէ՝ ով է կազմակերպիչը՝ FETÖ-ն («Ֆեթուլահական ահաբեկչական կազմակերպություն»՝ թուրքական մամուլում այսպես է անվանվում իսլամի հայտնի քարոզիչ, ամերիկաբնակ թուրք միլիարդատեր Ֆեթուլլահ Գյուլենի հիմնած կառույցը), թե «Ալ Նուսրա» ահաբեկչական խմբավորումը, քանի որ երկրում տիրող իրավիճակի հիմքում գաղափարական մթնոլորտն է, որը գիտակցված ձևավորել է ԱԶԿ-ն:
«Եթե ատրճանակի ձգանը FETÖ-ն է քաշել, ապա դուք եք նրան մեր գլխին պատիժ դարձրել: Եթե «Ալ Նուսրան» է, ապա դուք եք ջիհադական խմբավորումներին ամեն տեսակ օժանդակություն ցույց տվել: Դուք եք, որ վերացրել եք սահմանային անվտանգությունը: Պատասխանատուն դուք եք»,-ասել է նա։
Բյոքեն նշել է, որ ռուս դեսպանի սպանությունը սովորական դեպք չէ: «Անկարայում սրտում, որտեղ պետք է ամենանվտանգը լիներ, ոստիկանի կողմից դեսպան է սպանվում: Թուրքիան իր իսկ երկրում չկարողացավ դիվանագետի պաշտպանել: Մարդասպանն էլ ոստիկան է: Պետք էր մարդասպանին ողջ բռնել, մինչդեռ այդպես չարվեց: Ստեղծված ամոթալի շղթայի միակ պատասխանատուն ԱԶԿ-ն է»,-ասել է պատգամավորը։
Այս ենթաբաժնի վերջին նորությունները
Սաբբահ «Եթե նրանք պնդում են, որ այդ անօրինական օկուպացիայից չեն նահանջում և մնում են, ուրեմն այդ պարագայում դա խանգարում է Թուրքիայի հետ ցանկացած շփմանը»։
Աբդուլ Լաթիֆ Ռաշիդը «El Arabiya» և «El Hadath» հեռուստաալիքներին տված հարցազրույցում անդրադարձել է Թուրքիայի կողմից Իրաքի հյուսիսում իրականացված ռազմաօդային գործողությանը։
Ստամբուլում հրատարակվող հայկական «Ակոս» թերթի կայքում հրապարակվել է «Զանգեզուրի միջանցքում համառության պատճառը» հոդվածը
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ստամբուլում հրատարակվող հայկական «Ակոս» թերթի կայքում հրապարակվել է «Զանգեզուրի միջանցքում համառության պատճառը» հոդվածը
Ընդդիմադիր, ձախակողմյան «Haber sol» լրատվամիջոցում հրապարակվել է թուրք վերլուծաբան Էնգին Սոլաքօղլուի «Հարավային Կովկասի զավեշտախաղը» հոդված:
Մերկելը նաև նշել է, որ Գերմաիայում մշտական բնակություն հաստատածների թիվն աճել է և այդ մարդկանց հասարակության մեջ ինտեգրելու խնդիրը շարունակվում է։
Հոկտեմբերի 1-ին Թուրքիայի մայրաքաղաքի Չանքայա թաղամասում գտնվող «Kızıl ay» առևտրի կենտրոնի մոտ պայթյունի և կրակոցների ձայներ են լսվել։
Թուրքիայի հյուիսիս-արևմուտքում գտնվող Ստամբուլի նահանգում տեղած հորդառատ անձրևները ջրհեղեղների պատճառ են դարձել:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |