Թուրքիայում Էրջիյես համալսարանի դիմաց պայթյուն է եղել (թարմացված)

Հասարակական07:20, 17 Դեկտեմբեր 2016

Թուրքիայում Էրջիյես համալսարանի դիմաց պայթյուն է եղել (թարմացված)

Դեկտեմբերի 17-ի առավոտյան Թուրքիայի Կայսերի քաղաքի Էրջիյես համալսարանի դիմաց պայթյուն է որոտացել։ Թուրքական «Haberler» լրաատվական կայքը, ի մի բերելով բոլոր լուրերն ու ականատեսների վկայությունները, հայտնում է, որ պայթուցիկով բեռնված թեթև մարդատար մեքենա է պայթել։

Ականատեսների խոսքերով` մեքենան մոտեցել և կանգնել է ավտոբուսի կողքին, որից հետո էլ որոտացել է պայթյունը։

Նշվում է, որ հասարակական տրանսպորտի մեջ զինվորներ են եղել։ Կան զոհեր և վիրավորներ, որոնց թվի մասին առայժմ ստույգ տեղեկություններ չկան:

Նախնական տվյալների համաձայն՝ վիրավորների թիվը կազմում է մոտ 2 տասնյակ:

Թուրքիայի զինված ուժերի գլխավոր շտաբը հայտնել է այսօր Կայսերիում զինվորականներին տեղափոխող ավտոբուսի վրա կատարված հարձակման հետևանքով զոհված և վիրավոր զինվորների թիվը։ Ըստ ԶՈՒ գլխավոր շտաբի տվյալների՝ պայթյունի հետևանքով զոհվել է 13 զինվոր, 48-ը՝ վիրավորվել։

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։