Թուրքիայի 3 խորհրդարանական կուսակցություների առաջնորդները հանդիպել են` քննարկելու Ստամբուլի ահաբեկչությունը

Տարածաշրջան08:13, 14 Դեկտեմբեր 2016

Թուրքիայի 3 խորհրդարանական կուսակցություների առաջնորդները հանդիպել են` քննարկելու Ստամբուլի ահաբեկչությունը

Թուրքիայի վարչապետ, իշխող «Արդարություն և զարգացում կուսակցության» (AKP-ԱԶԿ) նախագահ Բինալի Յըլդըրըմը, գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) առաջնորդ Քեմալ Քըլըչդարօղլուն և «Ազգայնական շարժում կուսակցության» (MHP-ԱՇԿ) նախագահ Դևլեթ Բահչելին հավաքվել են կառավարության շենքում` քննարկելու Ստամբուլում դեկտեմբերի 10-ին տեղի ունեցած ահաբեկչությունը:

Ըստ թուրքական «Haberler.com» լրատվական կայքի` հանդիպումը տեղի է ունենում մամուլի համար փակ ռեժիմով:

Հանդիպումից առաջ նշյալ 3 կուսակցությունները մեջլիսում ահաբեկչություն դեմ պայքարի նպատակով համատեղ հայտարարություն էին ստորագրել:

Նշվում է, որ 3 կուսակցապետերը վերջին անգամ հանդիպել էին օգոստոսի 22-ին` քննարկելու համար հուլիսի 15-ին տեղի ունեցած պետական հեղաշրջման փորձից հետո երկրում ստեղծված իրավիճակը:

Հիշեցնենք, որ դեկտեմբերի 10-ի երեկոյան Ստամբուլի Բեշիքթաշ շրջանում գտնվող Vodafone Arnea մարզադաշտի հարակից տարածքում որոտացել էին պայթյուններ: Առաջինն իրականացվել էր հեռակառավարմամբ, երբ պայթեցվել էր պայթուցիկով բեռնված ավտոմեքենան, իսկ երկրորդը իրականացվել էր մահապարտ ահաբեկչի կողմից:

Պաշտոնական տվյալների համաձայն՝ ահաբեկչական հարձակումների հետևանքով զոհվել է 44, վիրավորվել՝ 155 մարդ:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։