Դիարբեքիրի ավերված հայկական եկեղեցիներից երկուսը կվերակառուցվեն

Մշակութային13:05, 08 Դեկտեմբեր 2016

Դիարբեքիրի ավերված հայկական եկեղեցիներից երկուսը կվերակառուցվեն

Դիարբեքիրի Սուր շրջանում 2015թ. տեղի ունեցած զինված բախումների հետևանքով մեծ վնաս կրած պատմական կառույցները կվերականգնվեն:

Թուրքական պետական «Andolu» լրատվական գործակալության տեղեկացմամբ՝ Թուրքիայի հիմնադրամների գլխավոր վարչությունը շուրջ 40 մլն լիրա (մոտ 12 մլն դոլար) է տրամադրել՝ Սուրում գտնվող 11 պատմական շինությունների վերակառուցման համար:

Այդ շինությունների ցանկում ընդգրկված են նաև հայկական կաթոլիկ և բողոքական եկեղեցիները, որոնք հատկապես անցյալ տարի մեծ վնաս էին կրել թուրք-քրդական ռազմական գործողություններից: Կաթոլիկ եկեղեցում բախումների ժամանակ ինքնաշեն ռումբ էր պայթեցվել, ինչի հետևանքով ամբողջությամբ ավերվել էին եկեղեցու զանգակատունը, ճակատային պատերը և քահանայատունը:

Վերակառուցման արդյունքում կպահպանվի եկեղեցիների նախնական տեսքը: Այս ուղղությամբ որոշ աշխատանքներ արդեն մեկնարկել են, իսկ ավարտը նախատեսված է 2018-2019թթ.:

Աղբյուր` Ermenihaber.am

Այս ենթաբաժնի վերջին նորությունները

16:58, 20 սեպ

Նյու Յորքում կբացվի անվանի հայ լուսանկարիչ Արա Գյուլերի ցուցահանդեսը

Ցուցահանդեսն ապրիլին բացվել էր նաև Լոնդոնում, մայիսին՝ Փարիզում, հունիսին՝ Ճապոնիայում։ Նյու Յորքից հետո Գյուլերի լուսանկարները կցուցադրվեն Հռոմում և Մոգադիշոյում։

12:18, 19 սեպ

Թուրք հայտնի դերասանը խոշոր գումար է վճարել հայ նկարչի կտավները ձեռք բերելու համար

Ջեմ Յըլմազը, մասնակցելով «Galeri 77» ցուցահանդեսին, հայ գեղանկարիչ Տարոն Մուրադյանի վրձնին պատկանող 2 կտավ է գնել:

15:58, 11 սեպ

Հայտնի է Վանի Սուրբ Խաչ եկեղեցու պատարագի մասնակիցների թիվը

Թուրքիայի մշակույթի ու զբոսաշրջության Վանի նահանգային վարչության պետը տվյալներ է ներկայացրել 2018 և 2019թթ. Աղթամար կղզի այցելած զբոսաշրջիկների թվի վերաբերյալ: