Թուրքիան ուսման առաջադիմության տեսակետից 52-րդն է 70 երկրների ցանկում

Գիտակրթական07:26, 07 Դեկտեմբեր 2016

Թուրքիան ուսման առաջադիմության տեսակետից 52-րդն է 70 երկրների ցանկում

Թուրքիայում հրապարակվել են «Սովորողների միջազգային գնահատման ծրագրի» (PISA) 2015թ. քննությունների արդյունքները: «Al Jazeera»-ի թուրքական ծառայության տեղեկացմամբ՝ «Տնտեսական համագործակցության և զարգացման կազմակերպության» (OECD) կողմից 2000թ.-ից ի վեր 3 տարին մեկ անգամ 15 տարեկանների շրջանում կազմակերպվող PISA քննությունների արդյունքներում Թուրքիան որևէ առաջընթաց չի գրանցել:

Ավելին, 2015թ. բնական գիտությունների, մաթեմատիկայի և ընթերցանության բնագավառում թուրք ուսանողների առաջադիմությունը մեծապես զիջում է 2003թ. արդյունքներին: Նշենք, որ Թուրքիան PISA քննություններին սկսել է մասնակցել հենց 2003թ-ից:

Քննությունների ընդհանուր արդյունքներով Թուրքիան 70 երկրների ցանկում բնական գիտությունների բնագավառում գրավել է 52-րդ տեղը, մաթեմատիկայի բնագավառում՝ 49-րդ, իսկ ընթերացանության առումով՝ 50-րդ հորիզոնականը:

Նշենք, որ 2003թ. PISA քննություններին մասնակցել է 41 երկիր, Թուրքիան գրավել է 33-րդ (բնական գիտություններ) և 35-րդ (մաթեմատիկա և ընթերցանություն) հորիզոնականը:

Մասնակից երկրների ցանկում բոլոր երեք բնագավառներում առաջին հորիզոնականներում են Սինգապուրը, Հոնգ Կոնգն ու Ճապոնիան: Թուրքիան 100 և ավելի միավորով զիջում է այս երկրներին:

Աղբյուր` Ermenihaber.am

Այս ենթաբաժնի վերջին նորությունները

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։