Թուրքիայի վարչապետը Ռուսաստանում հանդիպում է ունեցել Մոսկվայի պետական համալսարանում

Քաղաքական12:32, 06 Դեկտեմբեր 2016

Թուրքիայի վարչապետը Ռուսաստանում հանդիպում է ունեցել Մոսկվայի պետական համալսարանում

Պաշտոնական այցով Ռուսաստանի Դաշնությունում (ՌԴ) գտնվող Թուրքիայի վարչապետ Բինալի Յըլդըրըմը հանդիպում է ունեցել Միջազգային հարաբերությունների Մոսկվայի պետական համալսարանի (МГИМО) ուսանողների հետ: Ինչպես հաղորդում է թուրքական «Ntv» հեռուստալիքի լրատվական կայքը, հանդիպման ժամանակ Թուրքիայի վարչապետը խոսել է ռուս-թուրքական հարաբերություններից, ինչպես նաև տարածաշրջանային խնդիրների` այդ թվում «Իսլամական պետության» և մի շարք այլ ահաբեկչական կազմակերպությունների մասին:

«Ռուսաստանի և Թուրքիայի միջև թե համագործակցություն, թե մրցակցություն կա: Երկու երկրների միջև գոյություն ունեցող մրցակցությունն իր ներդրումն ունի զարգացման գործում: Հարաբերություններում վերջին տարիներին շղթայական մեծ փոփոխություններ են եղել»,- նկատել է Յըլդըրըմը:

Ըստ Թուրքիայի վարչապետի` ռուս-թուրքական հարաբերություններ վրա վատ ազդեցություն ունեցավ ռուսական ռազմական ինքնաթիռի խոցման փաստը, սակայն երկու երկրները կարողացան դուրս գալ ստեղծված իրավիճակից և 2016 օգոստոսից սկսվեց ռուս-թուրքական կարգավորման գործընթացը:

Յըլդըրըմը նշել է, որ ռուս-թուրքական հարաբերությունները սովորական հարաբերություններ չեն, դրանք իրենց ազդեցությունն են թողնում ողջ տարածաշրջանի վրա:

«Մենք չենք կարող մեր ծնվելու որտեղ լինելը որոշել, բայց կարող ենք որոշել այդ տեղի՝ տարածաշրջանի ապագան: Տարիներ շարունակ այս տարածաշրջանը միշտ աշխույժ է եղել: 30-40 տարի առաջ հարստության կետը Արևմուտքում էր, այժմ հակառակն է»:

Վարչապետի խոսքերով` «Քուրդիստանի բանվորական կուսակցության» (ՔԲԿ-PKK), «ՒՊ»-ի, «Բոկո Հարամի», «Ալ-Կաիդա»-ի հայտնվեը տարածաշրջանային խնդիրները ժամանակին չլուծելու հետևանք է:

Վերջում նա հույս է հայտնել, որ ռուսների կողմից Թուրքիայում կառուցվող Աքքույու ատոմակայանի առաջին բլոկը կսկսի աշխատել 2023թ.-ից:

Աղբյուր` Ermenihaber.am