Թուրքական զինուժը Սիրիայում կորուստներ է կրել

Տարածաշրջան08:04, 24 Նոյեմբեր 2016

Թուրքական զինուժը Սիրիայում կորուստներ է կրել

Սիրիայի տարածքում ընթացող «Եփրատի վահան» ռազմական գործողության շրջանակներում Թուրքիան նոր կորուստներ է կրել: Թուրքական «Milliyet» թերթի կայքի տեղեկացմամբ՝ Էլ-Բաբը շրջապատած թուրքական զորքն ու Թուրքիային աջակցող «Ազատ Սիրիայի բանակը» բախվել են «Իսլամական պետություն» (ԻՊ-IŞİD) ահաբեկչական խմբավորման ուժերի հետ:

Զինված գործողությունների արդյունքում վիրավորված 10 թուրք զինվորները ռազմական ուղղաթիռներով տեղափոխվել են Քիլիսի և Գազիաթեպի հիվանդանոցներ: Նրանցից 3 մահացել են, ևս մեկ վիրավոր զինվորի վիճակը գնահատվում է ծայրահեղ ծանր:

Ըստ պաշտոնական տեղեկատվության՝ «Եփրատի վահան» ռազմական գործողության սկզբից՝ օգոստոսի 24-ից մինչ օրս թուրքական կողմն ընդհանուր առմամբ 16 զոհ է ունեցել:

Հալեպի հյուսիսում գտնվող Էլ-Բաբը ԻՊ-ի համար կարևոր նշանակություն ունեցող քաղաքներից է: Ինչպես նախորդ շաբաթ հայտարարել էր Թուրքիայի նախագահ Ռեջեփ Թայիփ Էրդողանը՝ թուրքական ուժերը մտադիր են կարճ ժամանակում գրավել Էլ -Բաբը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։