Թուրքիայում քեմալական և քրդամետ կուսակցությունները համատեղ ցույց են կազմակերպել

Հասարակական11:06, 21 Նոյեմբեր 2016

Թուրքիայում քեմալական և քրդամետ կուսակցությունները համատեղ ցույց են կազմակերպել

Թուրքիայի գլխավոր ընդդիմադիր «ժողովրդահանրապետական» (CHP-ԺՀԿ) և ընդդիմադիր քրդամետ «Ժողովուրդների դեմոկրատական» (HDP-ԺԴԿ) կուսակցությունները համատեղ ցույց են կազմակերպել Ստամբուլի Քարթալ շրջանում:

Թուրքական իշխանամետ «Sabah» թերթն ընդդիմադիրների ցույցը ներկայացրել է որպես «Ֆեթուլահական ահաբեկչական կազմակարեպության» և «Քուրդիստանի բանվորական կուսակցության» (ՔԲԿ-PKK) դեմ պետության պայքարի դեմ ուղղված քայլ:

(FETÖ` թուրքական մամուլում այսպես է անվանվում իսլամի հայտնի քարոզիչ Ֆեթուլլահ Գյուլենի ստեղծած համայնքը)

Նշվում է, որ «PKK-ին օժանդակող» քրդամետ կուսակցության անդամների ձերբակալման դեմ «Չենք հանձնվելու» կարգախոսով անցկացված ցույցին բացի 2 կուսակցություններից, աջակցություն է հայտնել 95 հասարակակական կազմակերպություն:

Քրդամետ կուսակցությանը և քեմալական ԺՀԿ-ի կազմակերպած բողոքի ակցիան սպասվածի չափ մարդաշատ չի եղել: Հավաքին մասնակցել է շուրջ 1000 մարդ:

Ըստ իշխանամետ թերթի տեղեկացման՝ ցույցի ժամանակ կողք կողքի ծածանվել են ԺՀԿ-ի, Թուրքիայի, ԺՀԿ-ի հիմնադիր Մուստաֆա Քեմալ Աթաթուրքի ու քրդերի առաջնորդ Աբդուլլահ Օջալանի դիմանկարով պաստառները, ինչը սոցցանցերում ԺՀԿ-ի հասցեին քննադատությունների տեղիք է տվել:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։