Իրավական07:25, 18 Նոյեմբեր 2016
Թուրքիայում ձերբակալվել է ևս 70 մտավորական
Թուրքիայում «Ֆեթուլլահական ահաբեկչական կազմակերպության» (FETÖ` թուրքական մամուլն այդպես է անվանում իսլամի հայտնի քարոզիչ Ֆեթուլլահ Գյուլենի հիմնած կառույցը) դեմ հետաքննության շրջանակներում Ստամբուլի «Յըլդըզ» տեխնիկական համալսարանի 70 դասախոս է ձերբակալվել:
Թուրքական «Sondakika» լրատվական կայքը հայտնում է, որ Ստամբուլի գլխավոր դատախազությունը ձերբակալման որոշում է կայացրել համալսարանի դասախոսական անձնակազմի 103 անդամի նկատմամբ, սակայն նախնական տվյալներով, ձերբակալվել են 70-ը:
Ձերբակալման համար հիմք է ծառայել այն, որ դասախոսները գործածել են «Bylock» գաղտնագրման բջջային հավելվածը: Ձերբակալված դասախոսները, որոնց շարքում եղել են դոցենտներ, գիտաշխատողներ, տեղափոխվել են հիվանդանոց բուժզննման, իսկ այնուհետև Ստամբուլի ոստիկանություն՝ ցուցմունք տալու:
Նշենք, որ «Bylock» բջջային հավելվածը հնարավորություն է տալիս օգտատերերին հաղորդակցվել ծածկագրերի միջոցով: Ըստ թուրքական լրատվամիջոցների՝ այս հավելվածը օգտագործում են գյուլենականները՝ միմյանց հետ ծածկագրերով հաղորդակցվելու համար:
Հիշեցնենք, որ հուլիսի 15-ին Թուրքիայում ռազմական հեղաշրջման փորձ էր կատարվել: Թուրքական իշխանությունները նախագահ Ռեջեփ Թայիփ Էրդողանի գլխավորությամբ հեղաշրջման փորձը կազմակերպելու մեջ մեղադրում են ամերիկաբնակ թուրք միլիարդատեր Ֆեթուլլահ Գյուլենին:
Հեղաշրջման փորձից հետո աշխատանքից հեռացվել կամ ձերբակալվել են տասնյակ հազարավոր մարդիկ: Նրանց աշխատանքից ազատման կամ ձերբակալման համար հիմք է ծառայել նաև տվյալ հավելվածը օգտագործելու հանգամանքը:
Այս ենթաբաժնի վերջին նորությունները
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ընդդիմադիր HKP-ի առաջնորդ Նուրրուլահ Էֆե Անքութը դատապարտվել է 1 տարի 2 ամիս և 22 օր ազատազրկման։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Ճապոնացի պաշտոնյաները հետաքրքրված են մասնավորապես «Bayraktar TB2» անօդաչու թռչող սարքերով։
Էզհելը հետևյալ կոչն է հղել. «Եկե՛ք ընդունենք մեր սխալները։ Մարդասպանությամբ հպարտանալով՝ դեռ ինչքա՞ն կարող ենք առաջ գնալ»:
Ըստ Քուրթուլմուշի՝ անկասկած է, որ Ադրբեջանի և Հայաստանի միջև կարգավորումը միևնույն ժամանակ վերջ է դրել ԵԱՀԿ Մինսկի խմբի գործունեությանը։
Օսմանյան կայսրությունում առաջին մարդահամարն անցկացվել է 1831 թվականին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |