Միջազգային07:24, 18 Նոյեմբեր 2016
Բելգիայի վարչապետը Էրդողանի մեղադրանքներն անհեթեթ ու անհիմն է համարել
Թուրքիայի և Բելիգիայի բարձրաստիճան պաշտոնյաների միջև հերթական փոխադարձ քննադատությունների ալիքն է բարձրացել: «Ամերիկայի ձայնի» թուրքական ծառայության տեղեկացմամբ՝ Բելգիայի վարչապետը արձագանքել է իր երկրին ուղղված Էրդողանի մեղադրանքներին:
Նախօրեին Թուրքիայի նախագահ Ռեջեփ Թայիփ Էրդողանը հայտարարել էր, թե Բելգիան կարևոր կենտրոն է ինչպես «Քուրդիստանի բանվորական» կուսակցության (ՔԲԿ-PKK), այնպես էլ «Ֆեթուլլահական ահաբեկչական խմբավորման» («Գյուլենական համայնք»/«Զուգահեռ կառույց» - FETÖ) համար:
Բելգիայի վարչապետ Չարլզ Միշելը Էրդողանի հայտարարությունը համարել է անհեթեթ, անհիմն և զրպարտություն:
«Բելգիան իրավական երկիր է, և ահաբեկչության հետևանքներից մեծագույն վնասներ կրած երկրին հարիր չեն նման հայտարարությունները: Բելգիան չի կարող հանդուրժել Թուրքիայի կառավարության՝ իր ներքին բախումները Բելգիային վերագրելու միտումը»:
Չարլզ Միշելի այս խոսքերին Թուրքիայի պատասխանը չի ուշացել:
Արտգործնախարարության խոսնակ, դեսպան Հյուսեյին Մյուֆթուօղլուն կարծիք է հայտնել, թե Բելգիայի վարչապետի մեկնաբանությունները Եվրամիության (ԵՄ) երկրների երկակի չափանիշների դրսևորման օրինակ են: Ըստ նրա՝ ԵՄ երկրներն ամեն օր տարբեր երկրների մասին հայտարարություններ են անում, սակայն, երբ խոսքը վերաբերում է իրենց երկրին ուղղված քննադատություններին, իրենք դա մեկնաբանում են որպես երկրի ներքին գործերին միջամտություն:
Թուրքիայի նախագահի խորհրդական և մամուլի խոսնակ Իբրահիմ Քալընը ևս հանդես է եկել քննադատական հայտարարությամբ՝ մեղադրելով Բելգիային ահաբեկչության դեմ պայքարում անսկզբունքայնության մեջ:
Այս ենթաբաժնի վերջին նորությունները
Նշվում է, որ վերոնշյալ վաճառքը կբարձրացնի Ուկրաինայի կարողությունը՝ դիմակայելու առկա և ապագա սպառնալիքներին։
Տիեզերակայանի նախագիծը կարժենա 350 մլն դոլար և շինարարությունը կավարտվի 2 տարում։
Ըստ այդ համաձայնագրի՝ Թուրքիան կամրապնդի դիրքերը Արևելյան Միջերկրականում ու նաև կպաշտպանի Հյուսիսային Կիպրոսի ինքնահռչակ թուրքական Հանրապետության (ՀԿԹՀ) շահերը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Ճապոնացի պաշտոնյաները հետաքրքրված են մասնավորապես «Bayraktar TB2» անօդաչու թռչող սարքերով։
Էզհելը հետևյալ կոչն է հղել. «Եկե՛ք ընդունենք մեր սխալները։ Մարդասպանությամբ հպարտանալով՝ դեռ ինչքա՞ն կարող ենք առաջ գնալ»:
Ըստ Քուրթուլմուշի՝ անկասկած է, որ Ադրբեջանի և Հայաստանի միջև կարգավորումը միևնույն ժամանակ վերջ է դրել ԵԱՀԿ Մինսկի խմբի գործունեությանը։
Օսմանյան կայսրությունում առաջին մարդահամարն անցկացվել է 1831 թվականին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |