Հասարակական08:11, 17 Նոյեմբեր 2016
Սևան Նշանյանը նամակ է հղել Հայ դատի ԱՄՆ հանձնախմբին
2013թ.-ից Թուրքիայում անազատության մեջ գտնվող պոլսահայ լեզվաբան, գրող Սևան Նշանյանը այդ երկրում տիրող անարդարությունների ու օրինախախտումների դեմ պայքարի կոչով նամակ է հղել Հայ դատի ԱՄՆ հանձնախմբին (ANCA):
Թուրքական «Demokrathaber.com» լրատվակայքի տեղեկացմամբ՝ նամակով Նշանյանը նաև շնորհակալություն է հայտնել ՀՀ սփյուռքի նախարարության կողմից իրեն շնորհված «Վիլյամ Սարոյան» մեդալի հանձնման կապակցությամբ ANCA-ի հնչեցրած ուղերձի համար:
Հիշեցնելով Թուրքիայում լրագրողների ու գրողների, ընդդիմադիր գործիչների և մասնավորապես՝ քրդամետ «Ժողովուրդների դեմոկրատական» կուսակցության (ԺԴԿ-HDP) համանախագահների ու պատգամավորների կալանավորման դեպքերը՝ Նշանյանը գրում է.
«Ներկայումս գրողների ու գաղափարական առաջնորդների համատարած ձերբակալությունները, դատական համակարգի ոչնչացումը, քրդական քաղաքականության վերացումը և սահմանադրական կարգի խարխլումը խոսում են երկրի տխուր ապագայի մասին, մինչդեռ մենք հույս ունեինք, թե ի վերջո, այս երկիրը կկարողանա հաղթահարել իր ողբերգական անցյալը»:
Բանտարկված գրողների օրը՝ նոյեմբերի 15-ի «Ազատություն և արդարություն Սևան Նշանյանին» միջազգային կոմիտեի կողմից մամուլում հրապարակված նամակում ասված է.
«Մինչև վերջերս որոշ մարդիկ այս երկրում համարձակություն ունեին երազելու ավելի ժողովրդավարական, լիբերալ և հանդուրժողական ապագայի մասին: Հպարտությամբ կարող եմ ասել, որ որոշ հայ մտավորականներ, և մասնավորապես՝ Հրանտ Դինքը, ակտիվորեն և ազդեցիկ կերպով իրենց մասնակցությունն ունեցան այդ երազանքի մասին բարձրաձայնելու և այն կերտելու գործում»:
Վերջին շրջանում Թուրքիայում ձևավորված բռնություններ իմթնոլորտն ու աբսոլյուտիզմը մեզանից շատերին մեծապես հիասթափեցրին: Իմ բանտարկությունն էլ, թերևս, գալիք ողբերգության մի կանխանշանն էր:
Հուսով եմ, որ Ամերիկայի մեր ընկերները և հատկապես Հայ դատի հանձնախումբը կշարունակեն զգայունություն ցուցաբերել Թուրքիայում ձևավորված անբարենապաստ իրադրության նկատմամբ: Ուզենք թե ոչ՝ այս երկիրը մեր համատեղ ժառանգության մեծ մասն է կազմում: Խնդիրը քաղաքակիրթ հասարակության փրկությունն է: Միևնույն ժամանակ, սա նաև հայկական հարցն է, քանի որ հայերը աշխարհի այլ ազգերի նման կարող են գոյատևել և անգամ բարգավաճել ազատության, բարյացակամության և քաղաքակրթության պայմաններում»:
Այս ենթաբաժնի վերջին նորությունները
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Երկրորդ տեղում Իրանի քաղաքացիներն են, որոնք գնել են 182 տեսակի անշարժ գույք։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց Ցեղասպանության մասին։
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
2022-ի համեմատ 2023-ին Թուրքիայի ռազմական ծախսերն այն աճել են 37%-ով՝ հասնելով 15.8 միլիարդ դոլարի։
Նույն օրը Շիշլիի հայկական կաթողիկե գերեզմանատան եկեղեցում ևս կմատուցվի պատարագ և կկատարվի նահատակների հիշատակի ու երախտագիտության աղոթք։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |