Թուրքիայում ձերբակալվում են քրդական կուսակցությունների անդամ ՏԻՄ ղեկավարները

Տարածաշրջան08:20, 17 Նոյեմբեր 2016

Թուրքիայում ձերբակալվում են քրդական կուսակցությունների անդամ ՏԻՄ ղեկավարները

Այսօր առավոտյան Թուրքիայում ձերբակալվել է Վանի քաղաքապետ Բեքիր Քայան ու քաղաքապետարանի ևս 4 աշխատակից:

Ըստ թուրքական «Demokrathaber.org» լրատվական կայքի` քաղաքապետարանի աշխատակիցների ձերբակալությունից հետո քրդամետ «Ժողովուրդների դեմոկրատական կուսակցության» (HDP-ԺԴԿ) և «Ժողովրդավարական տարածաշրջաններ կուսակցության» (DBP-ԺՏԿ) անդամներն ու համակիրները հավաքվել են քաղաքապետարանի դիմաց իրենց բողոքն արտահայտելու, սակայն ոստիկանությունը խոչընդոտել է հավաքը:

Երեկ քրդական ԺԴԿ-ի ու ԺՏԿ-ի 12 ղեկավար անդամների հետ միասին ձերբակալվել է Դերսիմի (Թունջելի) համաքաղաքապետ Մեհմեթ Ալի Բուլը:

Վերջին օրերին ձերբակալվել էր նաև Սիիրթի քաղաքապետ Թունջեր Բաքըրհանը, իսկ Մարդինի քաղաքապետ հայտնի քուրդ քաղաքական գործիչ Ահմեթ Թուրքը ներքին գործերի նախարարության կողմից հեռացվել էր պաշտոնից:

Ըստ մամուլում հրապարակված լուրերի` ձերբակալված և հեռացված պաշտոնյաներից մի մասի փոխարեն նշանակվել են պետական կառավարիչներ: Այսպես, Սիիրթի ձերբակալված քաղաքապետի պարտականությունները համատեղության կարգով կկատարի Սիրթի փոխնահանգապետ Ջեյհուն Թաշքընը, Մարդինի հեռացված քաղաքապետի պարտականությունները փոխանցվել է նահանգապետ Մուստաֆա Յամանին, Վանի քաղաքապետի պարտականություններն նույնպես ժամանակավորապես փոխանցվել է նահանգապետին:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։