Իրավական07:29, 16 Նոյեմբեր 2016
Թուրքիայի մեջլիսի հայ պատգամավորն ու կուսակիցները հանդիպել են ՄԱԿ-ի ներկայացուցչի հետ
Թուրքիայի ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) պատգամավորներ հանդիպել են ՄԱԿ-ի ներկայացուցչի հետ: Թուրքական «Gazeteduvar.com.tr» կայքի տեղեկացմամբ՝ ԺԴԿ-ի պատվիրակությունում եղել են մեջլիսի հայ պատգամավոր Գարո Փայլանը, ինչպես նաև՝ Ֆիլիզ Քերեսթեջիօղլուն և Օսման Բայդեմիրը: ՄԱԿ-ի պատվիրակությունը ղեկավարել է մտքի և խոսքի ազատության հարցերով զեկուցող Դևիդ Քայեն:
Հանդիպումը տեղի է ունեցել Թուրքիայի ազգային մեծ ժողովի (ԹԱՄԺ-TBMM) շենքում:
Հանդիպումից հետո ԺԴԿ-ի հրապարակած հաղորդագրության համաձայն՝ Փայլանն ու իր կուսակիցները կոչ են արել ՄԱԿ-ի ներկայացուցիչներին շտապ արձագանքել Թուրքիայում տեղի ուենցող անօրինականություններին ու իրավախախտումների բազմաթիվ դեպքերին: Մասնավորապես, Դևիդ Քայեին մանրամասն տեղեկություններ են հաղորդվել ԺԴԿ համանախագահների, պատգամավորների և և կուսակցության մասը կազմող «Ժողովրդավարական շրջանների կուսակցության» (ԺՇԿ-DBP) համանախագահների կալանավորման, նրանց դատավարությունների հետ կապված անարդարությունների վերաբերյալ:
ԺԴԿ-ի պատվիրակությունը ՄԱԿ-ի ներկայացուցչին տեղեկացրել է, որ կալանավորված պատգամավորները բռնությունների և դաժան վերաբերմունքի են արժանանում, սակայն իրենց հնարավորություն չի տրվում պատգամավորների վիճակի վերաբերյալ որևէ հետազոտություն անել: Այդ իսկ պատճառով Փայլանն ու իր գործընկերները առաջարկել են, որպեսզի ՄԱԿ-ի մասնագետներն այցելեն Թուրքիա՝ կալանավորված պատգամավորների դեմ բռնության դեպքերը ուսումնասիրելու համար:
Ուշադրություն է հրավիրվել նաև լրատվամիջոցների և ամենատարբեր կազմակերպությունների գործունեության դադարեցման դեպքերին: Նշվել է, որ միայն վերջին օրերի ընթացքում դադարեցվել է 370 կազմակերպության գործունեություն, այդ թվում են նաև կանանց և երեխաների իրավունքների պաշտպանությամբ զբաղվող, աղքատներին օգնություն տրամադրող կազմակերպություններ:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |