Քաղաքական09:26, 16 Նոյեմբեր 2016
Bild: Գերմանացի նախարարին Թուրքիայում ավտոբուս են նստեցրել
Գերմանիայի արտաքին գործերի նախարար Ֆրանկ-Վալտեր Շտայնմայերի` Թուրքիա կատարած այցը անցել է ոչ բարեկամական մթնոլորտում: Այս մասին գրում է գերմանական «Bild» պարբերականը:
Ըստ «Bild»-ի` թուրքական կողմի «սառը վերաբերմունքը» զգացվել է օդանավակայանից սկսած, որտեղ գերմանացի նախարարին բարձրաստիճան ընդունելություն չի ցուցաբերվել: Մասնավորապես, չի եղել կարմիր գորգ, ինքնաթիռին մեքենա չի մոտեցվել, իսկ նախարարին և նրան ուղեկցող պատվիրակությանը օդանավակայանից տեղափոխել են ոչ թե հատուկ ծառայողական մեքենայով, այլ՝ ավտոբուսով:
Պարբերականը գրում է, որ Անկարայում Գերմանիայի արտաքին գերատեսչության ղեկավարը բոլորովին չի զգացել «թուրքական հայտնի հյուրընկությունը»: Նշվում է, որ նույնիսկ նախարարին տեղափոխող մեքենայի վրա չի եղել գերմանական դրոշը. թուրքերը պատճառաբանել են նրանով, որ «գերմանական դրոշի գույներին համապատասխան կտոր չի ճարվել»:
Ըստ աղբյուրի՝ նման ընդունելությամբ թուրքերը ցանկացել են ցույց տալ, որ «զայրացած են» Գերմանիայի վրա:
Հիշեցնենք, որ թուրք-գերմանական հարաբերությունները սրվել էին հունիսի 2-ին Բունդեսթագում Հայոց ցեղասպանությունը ճանաչող բանաձևի ընդունումից հետո, ինչի պատճառով Թուրքիան հետ էր կանչել Բեռլինում իր դեսպան Հուսեյին Ավնի Քարսլըօղլուին, իսկ հարաբերություններն իջեցրել ժամանակավոր հավատարմատարի մակարդակի:
Բունդեսթագի որոշմանը հաջորդել էր Թուրքիայում ՆԱՏՕ-ի Ինջիրլիք ռազմակաբազայի ճգնաժամը. թուրքական իշխանությունները թույլ չէին տվել գերմանացի պատգամավորներին այցելել գերմանացի զինվորականներին:
Գերմանիայի դիրքորոշումը և քննադատությունները հուլիսի 15-ի ռազմական հեղաշրջման փորձից հետո Թուրքիայի ներքաղաքական իրադարձությունների, ապա ընդդիմադիր «Cumhuriyet» թերթի լրագրողների և քրդամետ «Ժողովուրդների դեմոկրատական կուսակցության» պատգամավորների ձերբակալության շուրջ էլ ավելի էին սրել երկկողմ հարաբերությունները:
Իսկ օրերս Գերմանիայի՝ Եվրոպայի հարցերով պետնախարար Միշել Ռոթը հայտարարել էր, թե Գերմանիան իր համերաշխությունն է հայտնում Թուրքիայի բոլոր ընդդիմադիր ուժերին: Ռոթի այս խոսքերը քաղաքական շրջանակներում մեկնաբանվել էին որպես Բեռլինի՝ քաղաքական ապաստան խնդրողներին ընդունելու պատրաստակամության արտահայտություն:
Այս ենթաբաժնի վերջին նորությունները
Նակատանիի այցը պատմական է, քանի որ նա Ճապոնիայի առաջին պաշտպանության նախարարն է, ով այց է կատարում Թուրքիա։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Արտգործնախարարները քննարկել են Ալյասկայում կայացած Թրամփ-Պուտին հանդիպումը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Մարդիկ Թուրքիայում աշխատում են շաբաթական միջինում 45.6 ժամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |