«Գորշ գայլերը» քեմալական ընդդիմությանը կոչ են անում միանալ Թուրքիայի սահմանադրական փոփոխություններին

Քաղաքական12:31, 15 Նոյեմբեր 2016

«Գորշ գայլերը» քեմալական ընդդիմությանը կոչ են անում միանալ Թուրքիայի սահմանադրական փոփոխություններին

Թուրքիայի ընդդիմադիր «Ազգայնական շարժում կուսակցությունը» (MHP-ԱՇԿ), որը նաև «Գորշ գայլեր» ծայրահեղական կազմակերպության քաղաքական թևն է, փորձում է ընդդիմադիր դաշտը միավորել՝ հանուն սահմանադրական փոփոխությունների անցկացման:

Նոյեմբերի 15-ին ԱՇԿ նախագահ Դևլեթ Բահչելին կուսակցության խորհրդանական խմբակցության ժողովում միասնության կոչով դիմել է գլխավոր ընդդիմադիր «Ժողովրդահանրապետական կուսակցության» (CHP-ԺՀԿ) նախագահ Քեմալ Քըլըչդարօղլուին:

Թուրքական իշխանամետ «Sabah» թերթի տեղեկացմամբ՝ Բահչելին, դիմելով Քըլըչդարօղլուին, ասել է. «ԺՀԿ-ն այս գործընթացում չպետք է նազ ծախի, կամակորություն անի: Եթե վարչապետին ասում են՝ «մեր դռները բաց են», ապա թող գան՝ գլուխ գլխի տանք, այս խնդիրը լուծենք: Եկեք, միասնաբար քանդենք արգելապատնեշները»:

Իշխող «Արդարություն և զարգացում» կուսակցության (AKP-ԱԶԿ) խմբակցության ժողովում վարչապետ Բինալի Յըլդըրըմը, սահմանադրական փոփոխությունների մասին խոսելիս, նույնպես դիմել է գլխավոր ընդդիմադիր ուժի առաջնորդին՝ նշելով, որ խորհրդարանը սահամանդրական փոփոխությունները հանրաքվեի տեսքով ներկայացնելու է ժողովրդի դատին:

«ԺՀԿ նախագահն ասում է, թե իրենց դռները բացն են, մեր դռներն էլ են բաց: Դեռ ժամանակ ունեք, կարող եք գնացքը նստել, քանի դեռ չի շարժվել»:

Նշենք, որ սահմանադրական փոփոխություններում հիմնական հարցը վերաբերում է կառավարման խորհրդարանական համակարգից նախագահական համակարգին անցմանը:

Փոփոխությունների նախագիծը մեջլիսում անցկացնելու համար անհրաժեշտ է 330 ձայն, այնինչ ԱԶԿ-ն ունի 316 մանդատ: Իշխող կուսակցությունը նախագիծն խորդարանում անցկացնելու և հանրաքվեի դնելու նպատակով բանակցություն էր սկսել «Գորշ գայլերի» քաղաքական թևի՝ ԱՇկ-ի հետ:

Աղբյուր` Ermenihaber.am