Միջազգային09:30, 14 Նոյեմբեր 2016
Եվրամիության արտգործնախարարների նիստում կքննարկվի Թուրքիայի հարցը
Այսօր Բրյուսելում տեղի կուենա Եվրամիության (ԵՄ) անդամ երկրների արտգործնախարարների նիստը, որի օրակարգում կլինեն նաև Թուրքիայի վերջին ներքաղաքական զարգացումները: Այս մասին տեղեկացնում է «BBC Türkçe»-ն:
Երկօրյա նիստի ընթացքում կքննարկվեն նաև ԵՄ-ՆԱՏՕ փոխհարաբերությունները, Սիրիայի և Ուկրաինայի հիմնահարցերը:
Ակնկալվող նիստի վերաբերյալ ԵՄ պաշտոնակայքում տեղ գտած հայտարարության մեջ ԵՄ-ը խորին մտահոգություն է հայտնել Թուրքիայում տեղի ունեցող վերջին իրադարձությունների կապակցությամբ:
Հայտարարության մեջ ծայրահեղ մտահոգիչ են համարվել Թուրքիայում մահապատժի վերականգնման վերաբերյալ քննարկումները, սոցիալական ցանցերի և բազմաթիվ լրատվամիջոցների արգելափակումները, լրագրողների, այդ թվում՝ «Cumhuriyet» թերթի գլխավոր խմբագրի և մի շարք աշխատակիցների ձերբակալման որոշումը, ինչպես նաև՝ երկրի երկրորդ ամենամեծ ընդդիմադիր կուսակցության՝ «Ժողովուրդների դեմոկրատական» կուսակցության (ԺԴԿ-HDP) համանախագահների կալանավորումը:
Հայտնի է դարձել նաև, որ նախարարների նիստում կքննարկվի պետական հեղաշրջման փորձից հետո Թուրքիայում ծավալվող իրադարձությունների պատճառով այդ երկրի եվրաինտեգրման բանակցությունների դադարեցման հարցը: Խնդիրը թեև չի ներառված նիստի պաշտոնական օրակարգում, սակայն ակնկալվում է, որ որոշ նախարարներ նիստի ընթացքում կբարձրացնեն այդ հարցը:
Հիշեցնենք, որ Եվրախորհրդարանի նախագահ Մարտին Շուլցը նախօրեին հայտարարել էր, որ եթե Թուրքիայում իրավիճակը շարունակի նույնը մնալ, ապա այս երկրի դեմ տնտեսական պատշամիջոցներ կկիրառվեն: Շուլցը շեշտել էր, որ մահապատժի վերականգնման դեպքում անմիջապես կդադարեցվեն ԵՄ-Թուրքիա բանակցությունները:
Այս ենթաբաժնի վերջին նորությունները
ԱՄՆ-ի Կրոնական ազատությունների միջազգային հանձնաժողովը Թուրքիայի վերաբերյալ աղմկահարույց զեկույց է հրապարակել։
«Հունաստանն իրավունք ունի կազմակերպել իր պաշտպանությունը, քանի դեռ սպառնալիք կա։ Եթե քեզ սպառնում են, չես կարող զինաթափվել»,-շեշտել է Հունաստանի պաշտպանության նախարարը:
Դենդիասի խոսքով՝ վտանգ կա, որ հատկապես T-214 սուզանավերը, որոնք Գերմանիան պատրաստվում է վաճառել Թուրքիային, կփոխեն ուժերի բալանսն Էգեյան ծովում և Արևելյան Միջերկրականում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
ԱՄՆ-ի Կրոնական ազատությունների միջազգային հանձնաժողովը Թուրքիայի վերաբերյալ աղմկահարույց զեկույց է հրապարակել։
Այդ անհարմար հարցի հնչելուց անմիջապես հետո թուրքական պետական «TRT» հեռուստաալիքը դադարեցրել է ասուլիսը լուսաբանող ուղիղ եթերը:
Դրանով հանդերձ պահպանվել է նաև հայ կաթոլիկ համայնքի՝ եկեղեցում պատարագներ անցկացնելու իրավունքը:
Անի այցելողներն այսուհետև հնարավորություն են ունենալու տեսնել հայկական պատմամշակութային ժառանգության կոթողները՝ շրջելով շուրջ 100 հեկտար տարածքն այդ կառքով։
1սմ հողի առաջացման համար 500 տարի է պահանջվում, սակայն Թուրքիան 1սմ հող է կորցնում 15 տարվա ընթացքում։
Օրացույց
արտարժույթ
| EUR | TRY | USD |
| 549.84 | 90.05 | 485.12 |