Թուրքիայում PKK-ի հարձակման հետևանքով վիրավորվել է նաև Դերիք շրջանի ղեկավարը

Տարածաշրջան12:44, 10 Նոյեմբեր 2016

Թուրքիայում PKK-ի հարձակման հետևանքով վիրավորվել է նաև Դերիք շրջանի ղեկավարը

«Քուրդիստանի բանվորական կուսակցության» (PKK-ՔԲԿ) զինյալները ինքնաշեն ռումբ են պայթեցրել Թուրքիայի Մարդին նահանգի Դերիք շրջանի գավառապետարանի շենքում: Ըստ թուրքական «Haberler.com» լրատվական կայքի` պայթյունի հետևանքով վիրավորվել է պետության կողմից շրջանի կառավարիչ նշանակված Մուհամմեդ Ֆաթիհ Սաֆիթուրքը, ինչպես նաև գավառապետարանի 4 աշխատակից:

Նշվում է, որ գավառապետի աշխատասենյակին կից սենյակում տեղադրված ռումբը պայթեցվել է հեռակառավարմամբ: Շրջանային հիվանդանոց տեղափոխված Սաֆիթուրքը նախնական բժշկական միջամտությունից հետո տեղափոխվել է Գազիանթեպի նահանգային հիվանդանոց:

Հաղորդվում է, որ պայթյուն իրակացնողներին հայտնաբերելու նպատակով թուրքական անվտանգության ուժերը լայնամասշտաբ գործողություն են սկսել Դերիքում:

Նշենք նաև, որ պետության կողմից շրջանի ղեկավար նշանակվելուց հետո Սաֆիթուրքը պահանջել էր հանել վարչական շենքին փակցված «Դերիքի գավառապետարան» թուրքերեն, քրդերեն և հայերեն գրությամբ ցուցանակը, որի տեղում ավելի ուշ կախվել էր Թուրքիայի դրոշը:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։