Թուրքիայի մշակույթի ոլորտի աշխատակիցների 47 տոկոսն ունի թերի միջնակարգ կրթություն

Գիտակրթական09:28, 08 Նոյեմբեր 2016

Թուրքիայի մշակույթի ոլորտի աշխատակիցների 47 տոկոսն ունի թերի միջնակարգ կրթություն

Թուրքիայի վիճակագրական ընկերությունը (ԹՎԸ-TÜİK) երկրի մշակութային ոլորտի վերաբերյալ ուշագրավ տվյալներ է հրապարակել: Թուրքական «Karar.com» լրատվակայքի տեղեկացմամբ՝ TÜİK-ն իր ուսումնասիրությունը կատարել է մշակույթի ամենատարբեր ոլոտներում՝ ընդգրկելով նաև արվեստի և մշակույթի հետ կապ չունեցող մասնագիտությունները: Այսինքն, վիճակագրությունը վերաբերում է ոչ միայն դերասաններին, դիզայներներին, ճարտարապետներին, լուսանկարիչներին ու այլ արվեստագետների, այլև ասենք, թատրոնի տոմսավաճառներին ու գրադարանավարներին:

Այսպիսով, ուսումնասիրությունը ցույց է տվել, որ 2015թ. Թուրքիայում մշակութային ոլորտում աշխատել է 575.000 մարդ: Այս ցուցանիշը կազմում է երկրի աշխատող բնակչության 2.2 տոկոսը: Ոլորտի ներկայացուցիչների 52.7 տոկոսը տղամարդիկ են, 47.8 տոկոսը՝ կանայք:

Ըստ կրթվածության մակարդակի՝ պարզվել է, որ մշակութային դաշտում ներառված մարդկանց 47 տոկոսն ունի թերի միջնակարգ կրթություն, 32.3 տոկոսն ունի բարձրագույն կրթություն, իսկ 20.7 տոկոսն ունի միջնակարգ կրթություն կամ ավարտել է որևէ արհեստի դպրոց:

Այս ոլորտի աշխատակիցների 59.7 տոկոսը պատկանում են 30-54 տարիքային խմբին, 33 տոկոսը՝ 15-29 տարքային խմբին, իսկ 7.3 տոկոսը՝ 55 և ավելի բարձր տարիքային խմբին:

Աղբյուր` Ermenihaber.am

Այս ենթաբաժնի վերջին նորությունները

11:10, 05 սեպ

Թուրքիան ու Վրաստանը կնքել են համագործակցության հուշագիր

Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։