Իրավական08:24, 04 Նոյեմբեր 2016
Թուրքիայում արտակարգ դրության ռեժիմի վիճակագրությունը
2016թ. հուլիսի 15-ի ձախողված հեղաշրջումից հետո Թուրքիայում սկսված պաշտոնանկություններն ու ձերբակալությունները ահռելի մասշտաբների են հասել: «Euronews»-ի թուրքական ծառայության տեղեկացմամբ՝ առ այսօր ընդհանուր առմամբ աշխատանքից հեռացվել է 105.000 մարդ, բանտարկվել է 74.000. ձերբակալվել՝ 34.000 քաղաքացի:
Այս միջոցառումների շարքում ամենավերջինը երկուշաբթի օրը ընդդիմադիր «Cumhuriyet» թերթի դեմ կազմակերպված հատուկ գործողությունն էր, որի շրջանակներում ձերբակալվեցին թերթի 15 ղեկավար և աշխատակից:
Թուրքիայի ընդդիմադիր «ժողովրդահանրապետական» կուսակցության (ԺՀԿ - CHP)՝ մարդու իրավունքների հարցերով պատասխանատու փոխնախագահ Զեյնեփ Ալթըօք Աքաթլըի կազմած զեկույցի համաձայն՝ օգոստոսի 17-ից սեպտեմբերի 17-ի ընթացքում հրապարակված ձերբակալությունների թիվն անցել է 50.000-ը:
Այդ մեկ ամսվա ընթացքում շուրջ 40.000 հանրային աշխատողի դեմ հետաքննություն է սկսվել, ևս 93.000 մարդ հեռացվել է աշխատանքից: Արտակարգ դրության շրջանակներում ընդունված օրենքի ուժ ունեցող համար 675 որոշմամբ համալսարաններից հեռացվել է 1.267 ակադեմիկոս, իսկ սեպտեմբերի 1-ին աշխատանքից հեռացվել է ևս 2.346 մտավորական:
Թուրքիայի Լրագրողների միության, Թուրքիայի Լրագրողների համայնքի և Թուրքիայի հեղափոխական աշխատավորների արհմիությունների կոնֆեդերացիայի հրապարակած տվյալների համաձայն՝ արտակարգ դրության շրջանակներում բանտարկվել է 133 լրագրող, իսկ 2.308 լրագրող անգործ է մնացել: Փակվել է 16 հեռուստաալիք, 3 լրատվական գործակալություն, 47 թերթ, 16 ամսագիր, 23 ռադիոկայան և 26տպագրատուն:
Նշենք, որ Թուրքիայի արևմտյան գործընկերներն ու մի շարք իրավապաշտպան կառույցներ պարբերաբար իրենց դժգոհությունն ու մտահոգությունն են արտահայտում այս երկրում «անհավանական մասշտաբների հասնող զտումների» առթիվ: Եվրոպական երկրներն ու միջազգային կառույցները նշում են, որ Թուրքիայում արտակարգ դրության ռեժիմը չարաշահվում է՝ ընդդիմադիր ուժերի ձայները լռեցնելու համար:
Հիշեցնենք, որ հուլիսի 15-ի ձախողված հեղաշրջման փորձի պատճառով Թուրքիայում 272 քաղաքացի էր զոհվել, 2.194 -ը՝ վիրավորվել: Դեպքից ընդամենը օրեր անց երկրում եռամսյա արտակարգ դրություն հայտարարվեց, որն այնուհետև երկարաձգվեց ևս 3 ամսով:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |