Իրավական09:53, 03 Նոյեմբեր 2016
Թուրքիան 21 հորիզոնականով նահանջել է «Օրենքի գերակայության ինդեքսում»
Թուրքիայի ընդդիմադիր «Ժողովրդահանրապետական» կուսակցության (ԺՀԿ - CHP) Սամսունի նահանգային կառույցի նախագահ, փաստաբան Թուֆան Աքչագյոզը երկրում անօրինականությունների սաստկացման համար մեղադրել է Էրդողանին:
Աքչագյոզը տեղեկացրել է, որ 2015թ. «Օրենքի գերակայության ինդեքսում» Թուրքիան նախորդ տարվա համեմատ նահանջել է 21 հորիզոնականով՝ 102 երկրների ցուցակում զբաղեցնելով 80-րդ տեղը: Մինչդեռ նախորդ տարի Թուրքիան այս ցանկում 59-րդ հորիզոնականում էր:
«Բոլորս էլ պետք է նկատենք և իմանանք, որ մեր երկրի հիմնական խնդիրը հենց ինքը՝ Թայիփ Էրդողանն է: Ընդունենք, որ ժողովրդավարությանը չհավատացող, այն միայն որպես գործիք օգտագործող, օրենքի գերակայությունը երբեք չհանդուրժող մեկը այսօր որպես հանրապետության նախագահ նստած է Բաշթեփեում», - նշել է ընդդիմադիր գործիչը:
Աքչագյոզի կարծիքով՝ Էրդողանը հավատարիմ չէ անգամ իր սահմանադական երդմանը և ողջ ազգի շահերը պաշպանելու փոխարեն սահմանադրությանը հակասող գործունեություն է ծավալում: Նա նշել է, որ Թուրքիայի նման գեղեցիկ երկիրը չի կարող զոհաբերվել Էրդողանի քաղաքական կրքերին:
Նշենք, որ վերոնշյալ հետազոտությունը կատարվել է «Համաշխարհային արդարության նախագծի» (World Justice Projecrt) կողմից, որին աջակցում են Թուրքիայի և մի շարք այլ երկրների իրավաբանական ասոցիացիաները: Օրենքի գերակայության տեսակետից աշխարհում առաջատարներ են Դանիան, Նորվեգիան, Շվեդիան, Ֆինլանդիան:
Հետազոտությունը ցույց է տվել նաև, որ յուրաքանչյուր երկրում որքան բարձր մակարդակի վրա է օրենքի գերակայությունը, այնքան ավելի բարձր է մեկ շնչին բաժին ընկնող ազգային եկամուտը, իսկ քաղաքացիներն իրենց ավելի ապահով և հանգիստ են զգում: Մինչդեռ երբ երկրում օրենքի գերակայությունն արհամարհվում է, ողջ ազգը դրանից վնաս է կրում:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |