Թուրքական ընդդիմադիր թերթի նախկին խմբագիրը Գերմանիայի կողմից ժամանակավոր անձնագիր է ստացել

Հասարակական13:05, 03 Նոյեմբեր 2016

Թուրքական ընդդիմադիր թերթի նախկին խմբագիրը Գերմանիայի կողմից ժամանակավոր անձնագիր է ստացել

Գերմանիայի իշխանությունները ժամանակավոր անձնագիր են տրամադրել թուրք լրագրող և ընդդիմադիր «Cumhuriyet» թերթի նախկին գլխավոր խմբագիր Ջան Դյունդարին:

«Haberturk» լրատվամիջոցը, հղում անելով անանուն դիվանագիտական աղբյուրներին, նշում է, որ դրանով Դյունդարը հնարավորություն կստանա օրինական ճանապարհով մնալ Գերմանիայում, եթե անգամ չեղյալ հայտարարվի իր թուրքական անձնագիրը:

Սույն թվականի հոկտեմբերի 31-ին Ստամբուլի դատարանը Դյունդարին կալանավորելու մասին որոշում էր կայացրել: Նա մեղադրվում է «իր դեմ ընթացող հետաքննությունից փախուստ ի դիմելու մեջ»:

Ի դեպ, Դյունդարից բացի վերոնշյալ թերթի որոշ աշխատակիցներ ևս մեղադրվում են «Քուրդիստանի բանվորական կուսակցության» (ՔԲԿ-PKK) և գյուլենական համայնքի օգտին քարոզչություն անելու մեջ:

Դյունդարը «Twitter» միկրոբլոգի իր էջում գրառում էր կատարել, որտեղ հերքել է իր դեմ առաջադրված մեղադրանքները:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։